The news is by your side.

Advertisement

توہین عدالت کیس ، آئی جی سندھ نے حلف نامہ جمع کرادیا

کراچی: صحافیوں پر تشدد سے متعلق ازخود نوٹس پر آئی جی سندھ نے توہین عدالت کیس میں حلف نامہ جمع کرادیا، غلام حیدرجمالی نےعدالت سےپھر غیرمشروط معافی مانگ لی۔

توہین عدالت کیس میں آئی جی سندھ حلف نامہ جمع کرادیا، گزشتہ سماعت میں عدالت نے حکم استدعا منظور کرتے ہوئے آئی جی سندھ سمیت دیگر افسران کو حلف نامہ جمع کرنے کی ہدایت کی تھی۔ مقدمے کی سماعت کل ہوگی۔

تئیس مئی کو سندھ ہائی کورٹ نے عدالت کےباہرنقاب پوش اہلکاروں کاصحافیوں اور گارڈز پرتشددکا ازخود نوٹس لیتے ہوئے آئی جی سندھ سمیت دیگر افسران کے خلاف توہین عدالت کی کارروائی شروع کی۔ چھ ماہ کی شنوائی میں افسران نےمعافی نامے جمع کرائے لیکن عدالت نے ان کی درخواستیں مسترد کرکے فرد جرم عائد کرنے کا فیصلہ کیا۔

چیف سیکریٹری سندھ نے جواب میں کہا کہ عدالتی حکم پر عمل ہوگا لیکن یہ وقت پولیس افسران کیخلاف کارروائی کیلئے مناسب نہیں۔ پولیس دہشتگردوں کیخلاف آپریشن میں مصروف ہے.

Print Friendly, PDF & Email

Comments

comments

یہ بھی پڑھیں