The news is by your side.

Advertisement

کشمورزیادتی کیس کے ہیرو محمد بخش کیلئے تمغہ شجاعت اور بیٹی کی کیلیے تمغہ امتیاز کی سفارش

کراچی : آئی جی سندھ نے کشمور بچی زیادتی کیس کے ہیرو پولیس افسر محمد بخش کیلئے 20 لاکھ روپے انعام کا اعلان کرتے ہوئے محمد بخش کیلئے تمغہ شجاعت اور بیٹی کی کے لیے تمغہ امتیاز کی سفارش کردی۔

تفصیلات کے مطابق کشمور بچی زیادتی کیس کے ہیرو پولیس افسر محمد بخش کے اعزاز میں تقریب کا انعقاد کیا گیا ، آئی جی سندھ اور مرتضیٰ وہاب نے اہلکار کا استقبال کیا۔

آئی جی سندھ نے بہادر اہلکارمحمد بخش کیلئے 20 لاکھ روپے انعام کا اعلان کرتے ہوئے محمدبخش کیلئےتمغہ شجاعت اور بیٹی کی کے لیے تمغہ امتیاز کی سفارش کردی۔

آئی جی سندھ مشتاق مہر نے کہا کہ سندھ پولیس کی تاریخ قربانیوں سےبھری ہے، یہ واقعہ بہت منفرد ہے، بہادر بیٹی نے اپنے والد کو جذباتی نہ ہونے کا پیغام دیا، اس بہادر بیٹی کو سلام پیش کرتا ہوں، آج کے جذبات ناقابل بیان ہیں۔

اس موقع پر ترجمان سندھ حکومت مرتضیٰ وہاب کا کہنا تھا کہ معاشرے کو سمجھنے کے لئے اہم چیز احساس ہے، یہ واقعہ بتاتا ہےمحمد بخش اوراسکی بیٹی کی صورت میں یہ احساس زندہ ہے۔

مرتضیٰ وہاب نے کہاکہ ہم سب کو کھڑے ہوکر اے ایس آئی اور انکی بیٹی کو سلام پیش کرنا چاہیے ، میرے پاس ان کی بہادری اورجرات کی تعریف کیلئےالفاظ نہیں۔

Comments

یہ بھی پڑھیں