The news is by your side.

Advertisement

محرم الحرام کے خاص دنوں میں کراچی کو ریڈ الرٹ کردیا گیا ہے، آئی جی سندھ

کراچی : آئی جی سندھ کا کہنا ہے کہ محرم الحرام کے خاص دنوں میں کراچی کو ریڈ الرٹ کردیا گیا ہے، بم دھماکے، آئی ای ڈی بلاسٹ اور دیگر خطرات موجود ہیں، صوبے بھر میں سیکیورٹی کے فول پروف اقدامات کئے گئے ہیں۔

تفصیلات کے مطابق آئی جی سندھ اے ڈی خواجہ کا کہنا ہے کہ محرم الحرام میں دہشتگردی کا خطرہ ہے، دشمن کے اشارے پر کھیلنے والے اس ملک کے امن کو تباہ کرتے ہیں، بم دھماکے، آئی ای ڈی بلاسٹ اور دیگر خطرات موجود ہیں۔

آئی جی سندھ کا کہنا ہے کہ تھریٹس افغانستان بارڈر پر لگے ٹریننگ کیمپوں سے نکلتی ہیں، اس میں بیرونی طاقتیں بھرپور طریقے سے شامل ہیں، پولیس ہمیشہ ناکافی ہوتی ہے اور ہر جگہ پولیس کی موجودگی نہیں ہوسکتی۔

انھوں نے کہا کہ کراچی سمیت سندھ بھر میں محرم سے پہلے پولیس اور اسکاوٹ کو ٹریننگ دی گئی ہے، رینجرز اور دیگر قانون نافذ کرنے والے ادارے ہمارے ساتھ کام کر رہےہیں۔ تھریٹس میں بیرونی ہاتھ زیادہ ہے، اپنے ہاتھوں کھیلنے والے کو استعمال کرسکتے ہیں۔

Comments

comments

یہ بھی پڑھیں