The news is by your side.

Advertisement

آئی جی سندھ کو’واٹس ایپ‘پرشکایت درج کرائیں

کراچی: شہرقائد کے باسیوں کو انصاف کی فراہمی یقینی بنانے کے لیے آئی جی سندھ ڈاکٹر سید کلیم امام نے اپنا واٹس ایپ نمبر عام کردیا۔

تفصیلات کے مطابق آئی جی سندھ کلیم امام نے شہر قائد میں پیش آنے والے حالیہ واقعات کے تناظر میں عوام سے اپیل کی ہے وہ جرائم کی روک تھام میں پولیس کے ساتھ تعاون کریں اور فوری اطلاع دیں۔

انہوں نے کہا کہ وہ اپنے آس پاس یا اطراف کے علاقوں یا پڑوس میں کسی بھی قسم کی مشکوک سرگرمی ، مشتبہ افراد یا کوئی مشکوک گاڑی، موٹرسائیکل، بیگ ،پارسل ،تھیلا یا بریف کیس وغیرہ دیکھیں تو فوری طور پر مددگار15 پر اطلاع دیں ۔

شہری قریبی تھانے میں، ڈی آئی جیز، ایس ایس پیز دفاتر کو بھی اطلاع دے کر جرائم کے خلاف جنگ میں پولیس کے ہاتھ مضبوط کرسکتے ہیں۔

آئی جی سندھ کا کہنا تھا کہ عوام مجھے مندرجہ ذیل واٹس ایپ نمبر پر بھی اطلاع کرسکتے ہیں، یا پھر خود کو درپیش مسائل و مشکلات کے حل کے لیے اور بالخصوص پولیس کے خلاف اپنی شکایات اس واٹس ایپ نمبر پر شیئر کرسکتے ہیں۔

0300-0021881

انہوں نے سندھ بھر کے تمام ضلعی ایس ایس پیزکو جاری کردہ احکامات میں کہا ہے کہ وہ اپنے واٹس ایپ نمبر فوری طور پرعوام کے لیے عام کریں تاکہ امن وامان کی صورتحال پر مکمل کنٹرول کے ساتھ ساتھ جرائم کے خلاف پولیس کے مجموعی اقدامات کو عوام کے انفرادی اوراجتماعی کردار کی بدولت مزید تقویت بھی دی جاسکے۔

انہوں نے عوام کے نام ایک پیغام میں کہا کہ جرائم کے خلاف جاری جنگ میں پولیس کے ہاتھوں کو مزید مضبوط کریں کیونکہ یہ آپ کی اپنی فورس ہے اور اس کا کام ہی قانون پسند شہریوں کا تحفظ اورامن وامان جیسے اقدامات کو تقویت دینا ہے۔

Comments

comments

یہ بھی پڑھیں