The news is by your side.

Advertisement

ماہ رمضان میں رہزنی کے بڑھتے ہوئے واقعات، آئی جی سندھ نے رپورٹ طلب کرلی

کراچی: آئی جی سندھ اے ڈی خواجہ نے رمضان المبارک میں اسٹریٹ کرائمز بڑھنے سے متعلق میڈیا رپورٹس پر سخت نوٹس لیتے ہوئے تمام ڈی آئی جیز سے متعلقہ اضلاع اور تھانوں کی کارکردگی کی تفصیلات فوری طور پر طلب کرلیں۔

ترجمان سندھ پولیس کے مطابق آئی جی سندھ نے کہا ہے کہ انسداد جرائم کے اقدامات میں عدم کارکردگی اور غفلت کے مرتکب ایس ایچ اوز کااہم ذمہ داریوں پر رہنے کا کوئی جواز نہیں بنتا،انہوں نے تمام سپروائزری افسران سے کہا کہ محکمانہ فرائض میں غفلت لاپروائی یا کوتاہی ہر گز ناقابل برداشت ہے اور اس حوالے سے کوئی بھی رپورٹ ان کے خلاف نہ صرف محکمانہ بلکہ قانونی کارروائی کی وجہ بھی بن سکتی ہے۔

آئی جی سندھ نے ہدایات جاری کیں کہ کراچی پولیس رینج میں گذشتہ دو برس کے دوران اسٹریٹ کرائمز ، ٹارگٹ کلنگنز اور دیگر سنگین جرائم میں ملوث اور بعد از گرفتاری متعلقہ عدالتوں سے ضمانتوں پر رہائی پانے والے ملزمان کی فہرستیں جلد سے جلد ترتیب دیکر برائے ملاحظہ ارسال کی جائیں۔

انہوں نے ہدایات جاری کیں کہ رمضان المبارک کنٹی جینسی پلان کے تحت تمام پولیس رینج باہمی روابط اور معلومات کی شیئرنگ نظام کو ٹھوس بناتے ہں وئے مجموعی جرائم سمیت مفرور اشتہاری اور مقدمات میں پولیس کو مطلوب ملزمان کے خلاف پولیس ایکشن کو ہر سطح پر موْثر اور کامیاب بنائیں۔

انہوں نے مزید کہا کہ اس حوالے سے پاکستان رینجرز سندھ اور دیگر انٹیلی جینس اداروں/ ایجنیسیوں سے مستحکم رابطوں جیسے اقدامات پر خصوصی توجہ دی جائے۔

Print Friendly, PDF & Email

Comments

comments

یہ بھی پڑھیں