آئی جی سندھ توہین عدالت کیس کی سماعت کرنے والا بنچ پھر ٹوٹ گیا -
The news is by your side.

Advertisement

آئی جی سندھ توہین عدالت کیس کی سماعت کرنے والا بنچ پھر ٹوٹ گیا

کراچی : سندھ ہائی کورٹ میں آئی جی سندھ توہین عدالت کیس کی سماعت سےجسٹس صادق حسین بھٹی نے انکارکردیا۔ جسٹس صادق بھٹی کے کیس سے الگ ہونے سے دورکنی بنچ ٹوٹ گیا۔

تفصیلات کے مطابق آئی جی سندھ سمیت 14 افسران کے خلاف توہین عدالت کیس کی سماعت کرنے والا بنچ ایک بار پھر ٹوٹ گیا اور مقدمہ کی سماعت 3 مارچ تک ملتوی کر دی گئی۔

آئی جی سندھ غلام حیدرجمالی اور دیگر چودہ افسران کے خلاف توہین عدالت کیس کی سماعت جسٹس منیب اور جسٹس صادق حسین بھٹی پر مبنی 2 رکنی بنچ نے کی۔

آج ملزمان پر فرد جرم عائد ہونا تھی تاہم اس موقع پر جسٹس صادق حسین بھٹی نے کیس کی سماعت سے معذرت کرتے ہوئے کہا کہ اس کیس میں مولوی اقبال حیدر بھی فریق ہیں اور ان کے ساتھ ذاتی تعلقات ہیں لہذا وہ یہ نہیں سن سکتے جس پر بنچ ٹوٹ گیا۔

آئی جی سندھ اوردیگر افسران دھڑکتے دلوں کے ساتھ عدالت پہنچے۔ کیس کی سماعت ایک بار پھر موخر ہوئی توپولیس حکام کی جان میں جان آئی۔

 اس سے پہلے جسٹس کریم خان نے بھی سماعت سے انکار کردیا تھا جبکہ آئی جی سندھ اور چودہ افسران جسٹس احمد علی شیخ پر عدم اعتماد کرچکے ہیں کیس کی آئندہ سماعت تین مارچ کو ہوگی۔

توہین عدالت کیس میں نقاب پوش پولیس اہلکاروں نے سندھ ہائی کورٹ کی حدود میں ذوالفقار مرزا کے گارڈز،حامیوں اور صحافیوں کو تشدد کا نشانہ بنایا تھا۔ ، گزشتہ سال عدالت آئی جی سندھ غلام حیدرجمالی سمیت سات افسران پر فرد جرم عائد کرچکی ہے۔

Comments

comments

یہ بھی پڑھیں