The news is by your side.

Advertisement

فاسٹ بولر مائیکل ہولڈنگ کے اعزاز میں آئی جی سندھ کا عشائیہ، ہولڈنگ کا خوشی کا اظہار

پیار اور خلوص دیکھ کر محسوس ہوا اپنے وطن اپنے لوگوں میں ہوں: سابق ویسٹ انڈین بولر

کراچی: آئی جی سندھ ڈاکٹر کلیم امام نے دنیائے کرکٹ کے عظیم فاسٹ باؤلر مائیکل ہولڈنگ کے اعزاز میں آئی جی ہاؤس میں عشائیہ دیا، مائیکل ہولڈنگ نے تقریب میں پاکستان میں پیار اور خلوص پانے پر بے پناہ خوشی کا اظہار کیا۔

تفصیلات کے مطابق آئی جی ہاؤس میں ویسٹ انڈیز سے تعلق رکھنے والے فاسٹ بولر مائیکل ہولڈنگ کے اعزاز میں‌ کلیم امام کی جانب سے عشائیہ دیا گیا، اس موقع پر معروف کمینٹیٹر اور فری لانس کرکٹر بیری ولکنسن بھی ان کے ساتھ تھے۔

عشائیے میں پولیس افسران سمیت شاہد آفریدی، فیصل اقبال کے علاوہ اسکواش کے سابق عالمی چیمپیئن جہانگیر خان، کمینٹیٹرز مجاہد چشتی، سکندر بخت، یحیٰ حسینی، مرزا اقبال بیگ نے بھی شرکت کی۔

تازہ ترین:  معمولی واقعات پر ٹویٹ شروع ہو جاتے ہیں، ٹریفک جام کا مسئلہ سڑکوں کی وجہ سے ہے: آئی جی سندھ

آئی جی سندھ نے مائیکل ہولڈنگ سے کہا میں آپ کا مداح ہوں، آپ کی آمد سندھ پولیس کے لیے باعث مسرت ہے، یہ واقعہ پاکستان میں بین الاقوامی کرکٹ کی واپسی کی تاریخ کا حصہ بن گیا ہے، پولیس بین الاقوامی طرز اور معیار کی سیکورٹی فراہمی کے لیے پرعزم ہے۔

اس موقع پر مائیکل ہولڈنگ نے آئی جی سندھ کا شکریہ ادا کرتے ہوئے کہا یہاں کرکٹ کا جنون، پیار اور خلوص کو دیکھ کر محسوس ہوا اپنے وطن اپنے لوگوں میں ہوں، یہاں کے لوگ کرکٹ اور کرکٹرز کی بہت پذیرائی کرتے ہیں۔

ویسٹ انڈین سابق فاسٹ بولر نے کہا دنیائے کرکٹ کو بتانا چاہتا ہوں پاکستان آئیں، یہ پر امن ملک ہے، سندھ امن کی دھرتی ہے، موجودہ سیریز سے امید ہے پاکستان میں بین الاقوامی کرکٹ کی واپسی کی راہیں مزید ہم وار ہوں گی۔

Comments

comments

یہ بھی پڑھیں