The news is by your side.

اعظم سواتی کیس: جے آئی ٹی نے سپریم کورٹ میں رپورٹ جمع کرادی

اسلام آباد: آئی جی اسلام آباد ازخود نوٹس کیس کی سماعت کے دوران سپریم کورٹ میں جے آئی ٹی نے اعظم سواتی کے معاملے پر رپورٹ جمع کرادی۔

تفصیلات کے مطابق سپریم کورٹ آف پاکستان میں سماعت کے دوران جے آئی ٹی کی جانب سے رپورٹ جمع کرائی گئی جس میں کہا گیا کہ غریب خاندان پرجو الزامات عائد کیے گئے ان میں صداقت نہیں۔

سپریم کورٹ میں جمع کرائی گئی رپورٹ کے مطابق اثرو رسوخ استعمال کرکے فیملی کے خلاف ایف آئی آردرج کرائی گئی، غریب خاندان پرزمین پرقبضے کی کوشش کے الزامات درست نہیں۔

جے آئی ٹی رپورٹ میں واقعے کا ذمہ دار اعظم سواتی کو قراردیا گیا، چیف جسٹس نے ہدایت کی کہ اس رپورٹ کا جواب 4 بجےعدالت میں جمع کرائیں۔

وکیل صفائی نے عدالت عظمیٰ کو بتایا کہ اعظم سواتی سائنس اینڈ ٹیکنالوجی کانفرنس میں ویانا گئے ہوئے ہیں، انہوں نے کہا کہ یہ یکطرفہ رپورٹ ہے، اعظم سواتی 3 دسمبرکوواپس آئیں گے مہلت دی جائے۔

سپریم کورٹ نے ریمارکس دیے کہ اعظم سواتی پر62 ون ایف کے تحت چارج شیٹ کرتے ہیں دفاع پیش کریں۔

بعدازاں سپریم کورٹ آف پاکستان نے آئی جی اسلام آباد ازخود نوٹس کیس کی سماعت منگل تک ملتوی کردی۔

اعظم سواتی کیس: جے آئی ٹی کو 14 دن میں تحقیقات مکمل کرنے کا حکم


یاد رہے کہ رواں ماہ 7 نومبر کو اعظم سواتی کے غریب خاندان سے جھگڑے کے معاملے پر سپریم کورٹ نے جے آئی ٹی کو تحقیقات کے لیے دس ٹی او آرز دیتے ہوئے دو ہفتے میں رپورٹ طلب کی تھی۔

Comments

یہ بھی پڑھیں