The news is by your side.

Advertisement

سابق ڈپٹی میئرارشد وہرا کی نا اہلی سے متعلق درخواست پر سماعت کل تک ملتوی

اسلام آباد : سابق ڈپٹی میئر ارشد وہرا کی نا اہلی سے متعلق درخواست پر سماعت کے دوران جسٹس عامر فاروق نے ریمارکس دیے کہ کیا پارٹی کی تبدیلی سے پہلی پارٹی متاثر نہیں ہوتی۔

تفصیلات کے مطابق اسلام آباد ہائی کورٹ میں سابق ڈپٹی میئر ارشد وہرا کی نا اہلی سے متعلق درخواست پر سماعت ہوئی۔

عدالت میں سماعت کے دوران جسٹس عامر فاروق نے ریمارکس دیے کہ آپ نے ٹکٹ کس سے لیا اور پھر کس پارٹی میں چلے گئے۔

وکیل درخواست گزار نے دلائل دیتے ہوئے کہا کہ ایم کیو ایم کی تقریر کے بعد پارٹی ہی بدل گئی تھی، ایم کیو ایم کے ندیم نصرت سے ٹکٹ لیا۔

جسٹس عامر فاروق نے ریمارکس دیے کہ پارٹی چھوڑکرپاک سرزمین پارٹی میں شمولیت اختیارکی، کیا پارٹی کی تبدیلی سے پہلی پارٹی متاثر نہیں ہوتی۔

وکیل درخواست گزار نے دلائل دیتے ہوئے کہا کہ مقامی حکومت کی حد تک کوئی پارٹی جوائن نہیں کی، جس پارٹی نے ٹکٹ ہی نہیں دیا وہ کیسے نا اہل کرا سکتی ہے۔

درخواست گزار کے وکیل نے عدالت سے استدعا کی کہ تیاری کی لیے کچھ وقت دے دیں جس پر اسلام آباد ہائی کورٹ نے سماعت کل تک ملتوی کردی۔

یاد رہے کہ گزشتہ ماہ الیکشن کمیشن آف پاکستان کے تین رکنی بینچ نے سابق ڈپٹی میئر ارشد وہرا کو نا اہل قرار دیا تھا۔

Comments

comments

یہ بھی پڑھیں