The news is by your side.

Advertisement

کوئی دباؤ نہیں، بھارت پاکستان کے خلاف جھوٹا پروپیگنڈا کررہا ہے!

گھوٹکی کی نو مسلم بہنوں‌ کی اے آر وائی نیوز کے پروگرام باخبر سویرا میں گفتگو

کراچی: گھوٹکی کی نو مسلم بہنوں کا کہنا ہے کہ ہم پر کوئی دباؤ نہیں، بھارت پاکستان کے خلاف جھوٹا پروپیگنڈا کررہا ہے۔

تفصیلات کے مطابق اے آر وائی نیوز کے پروگرام باخبر سویرا میں گفتگو کرتے ہوئے نو مسلم بہنوں‌ آسیہ اورنادیہ کہتی ہیں کہ بچپن سے مسلمان ہونے کا شوق تھا، جو اب پورا ہوا.

انھوں نے مزید کہا کہ ہم پر کسی قسم کا دباؤ نہیں، سسرال میں سب ہمارا خیال رکھتے ہیں، والدہ نے بلوایا تھا، مگر اب یہی ہمارا گھر ہے.

ان کے شوہروں صفدر علی، برکت علی نے بھی پروگرام میں اظہار خیال کیا، انھوں نے کہا کہ اسلام آباد ہائی کورٹ کے فیصلے پرمطمئن ہیں.

مزید پڑھیں: اسلام آباد ہائی کورٹ نے گھوٹکی کی 2نومسلم بہنوں کی تبدیلی مذہب درست قرار دے دی

انھوں نے یہ بھی کہا کہ کئی لوگ پاکستان کا کھاتے ہیں، مگر انڈیا کے ایجنڈے پر کام کر رہے ہیں. انڈیا کا پروپیگنڈا اس معاملے پر بالکل بے بنیاد ہے.

ان کا یہ بھی کہنا تھا کہ وہ بہت خوش ہیں اور ان کی پہلی بیویوں نے بہ خوشی اس رشتے کی اجازت دی.

یاد رہے کہ 11 اپریل 2019 کو اسلام آبادہائی کورٹ نے گھوٹکی کی 2 نومسلم بہنوں کی تبدیلی مذہب درست قراردیتے ہوئے دونوں لڑکیوں کی فراہمی تحفظ کی درخواست منظور کرلی تھی.

Comments

comments

یہ بھی پڑھیں