اسلام آباد : اسلام آباد ہائی کورٹ نے نورمقدم قتل کیس میں اپیلیں 14 ستمبر کو سماعت کے لیے مقرر کردیں ، مدعی مقدمہ نے ظاہر جعفر کی سزا بڑھانے کی اپیل بھی دائر رکھی ہے۔
تفصیلات کے مطابق اسلام آباد ہائی کورٹ میں نور مقدم قتل کیس میں اپیلیں 14 ستمبر کو سماعت کے لیے مقرر کردی گئیں۔
اسلام آباد ہائی کورٹ کے رجسٹرار آفس نے کاز لسٹ جاری کردی ، جسٹس عامر فاروق اور جسٹس ارباب محمد طاہر پر مشتمل بنچ سماعت کرے گا۔
عدالت نے رجسٹرار ہائی کورٹ کو پیپر بکس کی تیاری کا حکم دے رکھا ہے۔
مجرم ظاہرجعفر،افتخاراورجان محمد نے سزائے کے خلاف اپیلیں دائر کر رکھی ہے جبکہ مدعی مقدمہ نور مقدم کے والد نے عصمت آدم، ذاکر جعفر، جمیل، تھراپی ورکس کے 6 افراد کی بریت چیلنج کر رکھی ہے۔
مدعی مقدمہ نے ظاہر جعفر، افتخار اور جان محمد کی سزا بڑھانے کی اپیل بھی دائر کر رکھی ہے۔
