The news is by your side.

اسلام آباد ہائی کورٹ نے اے آر وائی نیوز کی بندش پر سوالات اٹھا دیے

اسلام آباد : اسلام آباد ہائی کورٹ نے اے آر وائی نیوز کی بندش پر سوالات اٹھا دیے اور کہا اے آر وائی نیوز کی نشریات ابھی تک بحال کیوں نہیں ہوئیں۔

تفصیلات کے مطابق اے آر وائی نیوز نشریات بحالی پر اسلام آباد ہائی کورٹ نے تحریری حکم نامہ جاری کردیا۔

اسلام آباد ہائی کورٹ نے اے آر وائی نیوز کی بندش پر سوالات اٹھا دیے اور کہا اے آر وائی نیوز کی نشریات ابھی تک بحال کیوں نہیں ہوئیں؟

تحریری حکم نامے میں کہا گیا ہے کہ عدالت نے پیمرا کے مجاز آفیسر کو طلب کر لیا۔

مزید پڑھیں : اسلام آباد ہائی کورٹ کا بھی اے آر وائی نیوز کی فوری بحال کرنے کا حکم

عدالتی حکم میں کہنا ہے کہ اے آر وائی نیوز کے ملازمین نے چینل بحالی کے لیے عدالت سے رجوع کیا، چینل کی بندش سے ملازمین کا بنیادی آئینی حق متاثر ہو رہا ہے۔

عدالت نے کہا کہ ملازمین کے وکیل نے عدالت کی توجہ نشریات بحالی کے سندھ ہائی کورٹ کی جانب کروائی، سندھ ہائی کورٹ کے واضح احکامات کے باوجود چینل نشریات بحال نہیں کی گئی۔

تحریری حکم نامے میں کہا گیا کہ پیمرا حکام پیش ہو کر بتائیں کہ اے آر وائی کی نشریات کیوں بحال نہیں کی گئی۔

اسلام آباد ہائی کورٹ نے پیمرا حکام کو کل صبح ساڑے دس بجے طلب کر لیا اور تحریری حکم نامہ کی کاپی چئیرمین پیمرا کو ارسال کر دی ہے۔

Comments

یہ بھی پڑھیں