The news is by your side.

سندھ ہائی کورٹ کے بعد اسلام آباد ہائی کورٹ کا بھی اے آر وائی نیوز کی فوری بحال کرنے کا حکم

اسلام آباد : سندھ ہائی کورٹ کے بعد اسلام آباد ہائی کورٹ نے اے آر وائی نیوز کی نشریات فوری بحال کرنے کا حکم دے دیا۔

تفصیلات کے مطابق اسلام آباد ہائی کورٹ میں اے آر وائی نیوز کی بندش کے خلاف سماعت ہوئی۔

اے آر وائی نیوز کی جانب سے درخواست گزار ملازمین عدالت میں پیش ہوئے اور صحافیوں کی بھی بڑی تعداد موجود تھی۔

عدالت نے کہا کہ پیمرا کا تحریری آرڈر نہیں ہے تو اے آر وائی نیوز کی فوری نشریات بحال کی جائیں اور اگر کوئی تحریری آرڈر ہے تو کل صبح ساڑھے 10 بجے آکر وضاحت دیں۔

عدالت نے چیئرمین پیمرا کو کل عدالت پیشی کے لیے مجاز افسر مقرر کرنے کا حکم دیتے ہوئے کہا مجاز افسر عدالت کے سامنے پیش ہو کر وضاحت کرے۔

بعد ازاں صحافی رہنمالالہ اسد پٹھان نے خصوصی گفتگو کرتے ہوئے کہا کہ عدالت میں مؤقف اختیار کیا گیا ملازمین کو مشکلات ہورہی ہیں، چیف جسٹس اطہر من اللہ نے پہلی پیشی پرہی نشریات کی بحالی کاحکم دیا۔

ان کا کہنا تھا کہ پیمرا چیئرمین اورپیمرامشکلات کاشکارہوتی جارہی ہے، ساراکھیل پیمراکاہےجس کےپیچھےحکومت کھڑی ہوئی ہے، ہمیں مکمل اعتماد ہےکہ عدلیہ اےآروائی نیوزکی نشریات بحال کرائےگی۔

یاد رہے سندھ ہائی کورٹ نے پیمرا کو اے آر وائی نیوز کی نشریات فوری بحال کرانے کا حکم دیا تھا۔

عدالت کا کہنا تھا کہ کوئی کیبل آپریٹرزفیصلے پر عملدرآمد نہیں کرتا تو چیئرمین پیمرا اس کیخلاف کارروائی کریں۔

Comments

یہ بھی پڑھیں