اسلام آباد : اسلام آباد ہائی کورٹ سے صدر نیشنل بینک عارف عثمانی اور چیئرمین نیشنل بینک زبیر سومرو کو عہدوں پر بحال کر دیا۔
تفصیلات کے مطابق اسلام آباد ہائی کورٹ نے صدر نیشنل بینک عارف عثمانی اور چیئرمین نیشنل بینک زبیر سومرو کی عہدے پر بحالی کے لئے انٹرا کورٹ اپیل پر فیصلہ سنادیا۔
چیف جسٹس اطہر من اللہ اور جسٹس سردار اعجاز اسحاق خان نے فیصلہ سنایا، فیصلے میں عدالت نے عارف عثمانی اور زبیر سومرو کو عہدوں پر بحال کر دیا۔
اسلام آباد ہائیکورٹ نے صدر نیشنل بینک عارف عثمانی اور چیئرمین نیشنل بینک زبیر سومرو کی اہلیت پر فیصلہ 27اکتوبرکومحفوظ کیا تھا۔
واضح رہے کہ گذشتہ سال اسلام آباد ہائی کورٹ کے سنگل بینچ نے صدر نیشنل بینک عارف عثمانی اور چیئرمین نیشنل بینک زبیر سومرو کو نااہلی قرار دیتے ہوئے فوری عہدے سے ہٹانے کا حکم دیا تھا۔
جس کے بعد نیشنل بینک اور وزارت خزانہ نے عارف عثمانی اور زبیر سومرو کی بحالی کیلئے الگ الگ انٹرا کورٹ اپیلیں دائر کیں تھیں۔
