The news is by your side.

Advertisement

ظفرحجازی کی وعدہ معاف گواہ کےخلاف توہین عدالت کی درخواست خارج

اسلام آباد: سابق چیئرمین ایس ای سی پی ظفرحجازی کی وعدہ معاف گواہ کےخلاف توہین عدالت کی درخواست عدالت نے خارج کردی۔

تفصیلات کے مطابق ریکارڈ ٹمپرنگ کیس میں سابق چیئرمین ایس ای سی پی ظفرحجازی کی وعدہ معاف گواہ کےخلاف توہین عدالت کی درخواست کی سماعت ہوئی۔

جسٹس محسن اختر کیانی نے سماعت کے دوران ریماکیس دیے کہ آپ بتائیں کس آرڈر کی خلاف ورزی کی گئی جس پر ظفرحجازی کے وکیل احمد حسن کے دلائل سننے کے بعد عدالت نے درخواست خارج کردی۔

خیال رہے کہ 9 جولائی 2017 کوسپریم کورٹ کی ہدایت پر ریکارڈ میں ٹمپرنگ کی تحقیقات کے لیے تشکیل دی جانے والی ایف آئی اے کی ٹیم نے اپنی رپورٹ میں سابق چیئرمین ایس ای سی پی ظفر حجازی کو ریکارڈ ٹمپرنگ میں ملوث قرار دیتے ہوئے ان کے خلاف ایف آئی آر درج کرنے کی تجویز دی تھی۔


چیئرمین ایس ای سی پی ظفرحجازی کوگرفتارکر لیا گیا


یاد رہے کہ 21 جولائی 2017 کو چو ہدری شوگرمل ریکارڈ ٹیمپرنگ کیس میں چیئرمین سیکیورٹیز اینڈ ایکسچینج کمیشن آف پاکستان (ایس ای سی پی) ظفر حجازی کو گرفتار کیا گیا تھا۔

واضح رہے کہ 24 جولائی کو سابق چیئرمین ایس ای سی پی ظفر حجازی کو معطل کر کے جونیئر کمشنر ظفرعبداللہ کو قائم مقام چیئرمین مقرر کردیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں