The news is by your side.

Advertisement

عیدالاضحیٰ پر جانوروں کی قربانی، علما سے مشاورت کی جائے گی

اسلام آباد : وزیرداخلہ اعجاز شاہ کا کہنا ہے کہ کوروناکے پیش نظر عیدالاضحیٰ سے قبل جانوروں کی قربانی سمیت دیگر معاملات پر فریقین سے مشاورت ہو گی، جس کے بعد منصوبہ بندی کو حتمی شکل آئندہ ہفتے دی جائے گی۔

تفصیلات کے مطابق وفاقی وزیراسدعمرکی زیرصدارت این سی اوسی کااجلاس ہوا، جس میں وزیرداخلہ اعجاز شاہ نے شہری علاقوں میں مویشی منڈیوں کے خطرات اور عیدالاضحیٰ مینجمنٹ پلان پربریفنگ دی۔

وزیرداخلہ اعجاز شاہ نے کہا کہ کوروناکے پیش نظر عیدالاضحیٰ سے قبل علماسےمشاورت ہو گی اور عیدالاضحیٰ کے پلان کو فریقین کی باہمی مشاورت سے طے کیا جائے گا۔

اعجاز شاہ کا کہنا تھا کہ فریقین سے بقرعید پر جانوروں کی قربانی سےمتعلق ،آن لائن بکنگ،آن لائن حج ، بذریعہ شہری انتظامیہ،لوکل کمیٹیزگوشت تقسیم پر  بھی مشاورت ہو گی ، مشاورت کےبعدمنصوبہ بندی کو حتمی شکل آئندہ ہفتے دی جائے گی۔

انھوں نے کہا کہ صوبوں کو عیدالاضحیٰ مینجمنٹ پلان کی تیاری سےمتعلق وقت دستیاب ہوگا اور وزارت صحت جانور کی قربانی سے متعلق طبی ایس او پیز  تیار کرے گی۔

Comments

یہ بھی پڑھیں