اسلام آباد : یورپین یونین نے کوروناسےمقابلہ کرنے کے لیے پاکستان کو 150 ملین یورو کی امداد کی پیشکش کردی، وزیر داخلہ اعجاز احمد شاہ نے اس پیشکش کا خیر مقدم کیا ۔
تفصیلات کے مطابق وزیرداخلہ اعجازشاہ کی یورپین یونین کی سفیر سےملاقات ہوئی ، ملاقات میں باہمی امور کے معاملات پر تبادلہ خیال کیا گیا ، اس موقع پر ہالینڈ اور چیک رپبلک کے سفیربھی موجود تھے۔
یورپین یونین سفیر نے کورونا سے مقابلہ کرنےکے لیے 150 ملین یورو کی امداد کی پیشکش کی، رقم سے کورونا سے متاثرہ پاکستانیوں کی مدد کی جا سکے گی۔
وزیر داخلہ اعجاز احمد شاہ نے اس پیشکش کا خیر مقدم کرتے ہوئے کہا مشکل وقت میں ہمارے لوگوں کوسہولت دینے پر شکر گزار ہیں، ضروری اقدامات کو جلد پورا کرنے میں مکمل تعاون کریں گے۔
اعجاز شاہ کا کہنا تھا کہ ریلیف کاموں میں سہولت کے لئے پہلے ہی حکومتی آرڈرجاری کرچکے، ہماری جانب سے ہر شعبےمیں اب تک کی کارکردگی تسلی بخش ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں