The news is by your side.

Advertisement

‘پاک فوج کے خلاف بولنے والوں کو بھارت چلے جانا چاہئے’

ننکانہ صاحب : وفاقی وزیر داخلہ اعجاز احمد شاہ کا کہنا ہے کہ حکومتی دشمنی میں سیاسی جماعتیں حدپارکرگئی ہیں، پاک فوج کے خلاف بولنے والوں کو بھارت چلے جانا چاہئے۔

تفصیلات کے مطابق وفاقی وزیر داخلہ اعجاز احمد شاہ نےسیرت النبیﷺکانفرنس سےخطاب کرتے ہوئے کہا کہ کامیاب کانفرنس کے انعقاد پر انتظامیہ مبارکباد کی مستحق ہے، ریاست قوم کی ماں ہوتی ہے، مذہبی رواداری کےفروغ کےلئےاقدامات کررہےہیں، کوئی بھی اپنا عقیدہ دوسروں پرمسلط نہیں کرسکتا۔

اعجاز شاہ کا کہنا تھا کہ حکومتی دشمنی میں سیاسی جماعتیں حدپارکرگئی ہیں، دشمن طاقتیں ملک میں فرقہ واریت پھیلاناچاہتی ہیں، فرقہ واریت کی وجہ سے شام اور مصر کا حال ہمارے سامنے ہے، سب کو برداشت کرنےکی ضرورت ہے۔

گستاخانہ خاکوں کے حوالے سے وفاقی وزیر داخلہ نے کہا کہ فرانس میں گستاخانہ خاکوں کی اشاعت قابل افسوس ہے، مغرب میں اظہار رائے کی آڑمیں دل آزاری کی جارہی ہے، گستاخانہ خاکوں سے پوری امت مسلمہ کے دل دکھی ہیں، عمران خان، طیب اردوان نے حرمت رسولﷺ کے تحفظ کے لئے آواز بلند کی، دنیاکےتمام مذاہب کااحترام کرنےکی ضرورت ہے، عمران خان کی کاوشیں ضروررنگ لائیں گی۔

ان کا کہنا تھا کہ سیاسی جماعت کےرہنماکی جانب سےآرمی چیف پرالزام تراشی کی گئی، اپوزیشن کے شورشرابےکاواحدمقصدلوٹی دولت بچانا ہے، پوری قوم اپنی فوج کےشانہ بشانہ کھڑی ہے،ہر پاکستانی پاک فوج سےمحبت کرتا ہے۔

اعجازاحمدشاہ نے مزید کہا کہ پاک فوج کےخلاف بولنےوالےاپنی سیکیورٹی کابھی خیال رکھیں، اللہ سےدعاہےکہ وہ پاکستان کی حفاظت کرے، پاک فوج کے خلاف بولنے والوں کو بھارت چلے جانا چاہئے۔

Comments

یہ بھی پڑھیں