The news is by your side.

Advertisement

پاکستان اسٹاک ایکسچینج پرحملے کے ماسٹر مائنڈ تک جلد پہنچا جائے گا، اعجاز شاہ

ننکانہ صاحب : وزیرداخلہ اعجاز شاہ کا کہنا ہے کہ دہشت گردوں نے ہمیشہ عوامی مقامات کو نشانہ بنایا ہے، جلد پاکستان اسٹاک ایکسچینج پرحملے کے ماسٹر مائنڈ تک پہنچا جائے گا۔

تفصیلات کے مطابق وزیرداخلہ اعجاز شاہ نے پاکستان اسٹاک ایکسچینج پر حملے کی مذمت کرتے ہوئے کہا مسلح دہشت گردوں نے اسٹاک ایکس چینج کی عمارت کے اندر داخل ہونے کی کوشش کی اور سیکیورٹی اہلکاروں نے دہشت گردوں کا بہادری سے مقابلہ کیا۔

وزیرداخلہ کا کہنا تھا کہ فائرنگ کے تبادلےمیں چاروں دہشت گرد مارے گئے جبکہ 4 شہری بھی شہید ہوئے، دہشت گردوں نے ہمیشہ عوامی مقامات کو نشانہ بنایا ہے۔

پہلے بھی دہشتگردوں کو کیفر کردار تک پہنچایا اب بھی پہنچائیں گے دہشت گردوں کو ان کے انجام تک پنچائیں گے اور حملے کے ماسٹر مائنڈ تک بھی پہنچا جائے گا۔

یاد رہے آج کراچی کے اہم تجارتی مرکز پاکستان اسٹاک ایکسچینج پردہشت گردوں کا حملہ ناکام بنادیا گیا تھا، سیکیورٹی گارڈزاور پولیس کی بروقت جوابی کارروائی میں چارمسلح دہشتگرد مارے گئے جبکہ فائرنگ اور دستی بم حملے میں ایک سب انسپکٹر،چارسیکیورٹی گارڈز اور ایک شہری شہید ہوا۔

دہشتگردوں کی ہلاکت کے بعد دو گھنٹے تک سیکیورٹی اداروں ن ےسرچ اینڈ کلیئرنس آپریشن کیااور عمارت کو کلیئرقرار دے دیا جبکہ کالعدم تنظیم نےحملےکی ذمہ داری قبول کرلی ہے۔

بعد ازاں وزیراعظم عمران خان نے کراچی اسٹاک ایکسچینج پر حملے کی مذمت کرتے ہوئے کہا تھا کہ پوری قوم کو پولیس کے بہادر جوانوں پر فخر ہے جنہوں نے بروقت کارروائی سے حملے کو ناکام بنایا۔

Comments

یہ بھی پڑھیں