site
stats
سندھ

غیرقانونی تعمیرات : کراچی میں 40 سے زائد شادی ہال مسمار

کراچی : ادارہ ترقیات کراچی نے گلشن اقبال نیپا پل کے قریب شادی ہال گرادیا، کےڈی اے حکام کا کہنا ہے کہ رفاحی پلاٹس پر قائم 70 سے زائد تجاوزات ختم کیے جاچکے ہیں جن میں چالیس شادی ہالز بھی شامل ہیں۔

تفصیلات کے مطابق سپریم کورٹ کے احکامات پرکے ڈی اے انتظامیہ نے گلشن اقبال، نیپا پل کے قریب رفاحی پلاٹ پرقائم شادی ہال مسمارکردئیے۔ ایک ہفتے کےدوران چالیس سے زیادہ شادی ہال گرائے جاچکےہیں۔

شہر قائد میں شادی ہالوں کے ساتھ کئی دل بھی ٹوٹ گئے، عدالتی احکامات کے بعد شادی ہالز مسمار کرنے کا سلسلہ تو شروع ہوچکا ہے لیکن اس صورتحال سے اصل پریشانی ان دولہاؤں کو ہو چلی ہے جنہوں نے اپنی تقاریب کے لیے ہال بک کرا رکھے تھے، کے ڈی اے نے دلہاؤں کے خوابوں پربھی بلڈوزر چلادیا۔

کراچی میں لینڈ مافیا نے اندھیرنگری مچادی تھی، رفاحی پلاٹوں پر قبضے کرکے کہیں شادی ہال بنادیا تو کہیں بلڈنگ کھڑی کردی اور کہیں پلاٹ بناکر بندر بانٹ شروع کردی گئی، بے لگام قبضہ مافیا کے کارنامے جگہ جگہ دکھائی دئیے تو عدالت کو بھی سخت نوٹس لینا پڑا۔

سپریم کورٹ کراچی رجسٹری میں جسٹس گلزار احمد نے کراچی ڈیولپمنٹ اتھارٹی حکام کو ہدایت کی تھی کہ وہ فوری طور پر رفاحی پلاٹوں پر قبضے ختم کرائے اور بلاتفریق کارروائی کی جائے۔

عدالت کے حکم پر کے ڈی اے حرکت میں آئی اور تجاوزات کے خلاف بھرپور آپریشن شروع کردیا، شادی ہالز گرانے کے دوران عملے کو مزاحمت کا سامنا کرنا پڑا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top