The news is by your side.

Advertisement

کراچی، سعید غنی کے حلقے میں غیرقانونی ہائیڈرنٹ کی موجودگی کا انکشاف

کراچی: وزیر بلدیات سندھ سعید غنی کے حلقے میں بھی غیرقانونی ہائیڈرنٹ کا انکشاف ہوا ہے، ذرائع واٹر بورڈ کا کہنا ہے کہ ہائیڈرنٹ گزشتہ کئی ماہ سے اعظم بستی، محمود آباد میں کام کررہا تھا۔

تفصیلات کے مطابق کراچی کے علاقے اعظم بستی اور محمود آباد میں کئی ماہ میں کروڑوں روپے کا پانی بیچنے کے بعد حکام نے وزیر بلدیات سندھ سعید غنی کے حلقے میں غیرقانونی ہائیڈرنٹ کا انکشاف کیا اور آپریشن کے دوران ہائیڈرنٹ کو بند کرکے لائنیں بند کردی گئیں۔

دوسری جانب پی ٹی آئی کے رکن سندھ اسمبلی جمال صدیقی نے کہا ہے کہ آپریشن سب ڈرامہ ہے ہمارے زور دینے پر دکھاوا کیا جارہا ہے، سعید غنی کے حلقہ انتخاب میں ہائیڈرنٹ کی موجودگی سوالیہ نشان ہے، سعید غنی کو مستعفی ہوجانا چاہئے۔

اس سے قبل ایم ڈی واٹر بورڈ کی ہدایت پر پانی چوروں کے خلاف کارروائی کی گئی تھی، اعظم بستی، محمود آباد میں غیرقانونی ہائیڈرنٹ کو بند کرکے 6 ملزمان کو گرفتار کیا گیا تھا۔

مزید پڑھیں: رمضان المبارک میں شہرقائد میں پانی کی قلت

رپورٹ کے مطابق کارروائی ایگزیکٹو انجینئر اعجاز احمد کی سربراہی میں واٹر بورڈ ٹیم اور پولیس نے کی، ملزمان سرکاری لائن سے پانی چوری کرکے انڈر گراؤنڈ ٹینک میں ذخیرہ کرتے تھے۔

واٹر بورڈ حکام کے مطابق غیرقانونی ہائیڈرنٹ کی وجہ سے محمود آباد اور ملحقہ علاقے میں پانی کی قلت تھی، پک اپ، گدھا گاڑی، 5 ڈونکی پمپس، سمر پمپ، کئی فٹ پائپ ضبط کرلیے گئے۔

ترجمان واٹر بورڈ کا کہنا ہے کہ آپریشن کے بعد ملزمان کے خلاف مقدمہ درج کرلیا گیا ہے۔

Comments

comments

یہ بھی پڑھیں