The news is by your side.

Advertisement

لاہور ائیرپورٹ پر نصب آئی ایل ایس کیٹ تھری بی سسٹم فیل

لاہور : علامہ اقبال انٹرنیشنل ایئرپورٹ لاہور پر نصب کیا گیا آئی ایل ایس کیٹ تھری بی سسٹم فیل ہوگیا۔ پہلی دھند پڑتے ہی لاہور کے علامہ اقبال انٹرنیشنل ایئرپورٹ پر دوحا اور شارجہ سے آنے والی دو پروازیں لینڈ نہ کرسکیں۔

تفصیلات کے مطابق لاہور ایئرپورٹ پر نصب کیا گیا آئی ایل ایس کیٹ تھری بی سسٹم شروع میں ہی اپنی افادیت کھو بیٹھا، لاہور ایئرپورٹ پر دھند کے باعث حد نگاہ کم ہونے سے قطر ایئر ویز کی پرواز کا رخ کراچی کی جانب موڑ دیا گیا، جبکہ شارجہ سے آنے والی ایئربلیو کی پرواز کو اسلام آباد بھیج دیا گیا۔

ترجمان سول ایوی ایشن پرویز جارج کا کہنا ہے کہ آئی ایل ایس کیٹ تھری بی مکمل طور پر آپریشنل ہے سرٹیفائیڈ پائلٹ اور جہاز دھند میں لاہور ایئر پورٹ پر لینڈ کررہے ہیں ۔

ترجمان کے مطابق مانچسٹر سے آنے والی پرواز نے صبح چھ بجے لینڈ کیا جبکہ لندن سے آنے والی پرواز نے صبح نو بجے لاہور ایئرپورٹ پر لینڈ کیا۔

ترجمان سول ایوی ایشن کا کہنا ہے کہ پاکستان سول ایوی ایشن اتھارٹی نے پانچ ماہ قبل تمام ایئرلائنز کو اپنے پائلٹس اور جہازوں کو کیٹگری بی تھری کے مطابق تیار کرنے کا کہاتھاجن ایئرلائنز نے سول ایوی ایشن کی ہدایات پر عمل نہیں کیا انہیں دھند میں لینڈ کرنے میں مسئلہ آرہا ہے۔

Print Friendly, PDF & Email

Comments

comments

یہ بھی پڑھیں