The news is by your side.

Advertisement

قربانیاں دیتے رہیں گے، پیچھے نہیں ہٹیں گے، الیاس بلور

لاہور: عوامی نیشنل پارٹی کے رہنما اور سینیٹر الیاس بلور نے کہا ہے کہ ہم قربانیاں دیتے جا رہے ہیں، دیتے رہیں گے، کبھی پیچھے نہیں ہٹیں گے۔

ان خیالات کا اظہار انھوں نے اے آر وائی کے پروگرام ’پاور پلے‘ میں گفتگو کرتے ہوئے کیا، انھوں نے کہا بلور خاندان نے وطن کے لیے قربانی دی اور آئندہ بھی دیتا رہے گا۔

سینیٹر الیاس بلور نے کہا کہ ہارون بلور 2001 یا 2002 میں ڈگری لے کر آئے تھے، بد قسمتی سے ہارون بلور کو ہم سیاست میں لے کر  آگئے۔

شہید ہارون بلور کے چچا کا کہنا تھا کہ بلور خاندان پشاور میں پوری جماعت کو لے کر چل رہا ہے، ہارون بلور نے 2013 میں جو باتیں کیں وہ سب کے سامنے ہیں۔

پشاور: اے این پی کی کارنر میٹنگ میں خودکش دھماکا، ہارون بلور سمیت 13 شہید


انھوں نے کہا ’ہارون بلور سمیت کل شہید ہونے والے تمام لوگ ہمارے بچے ہیں، ہارون بلور اب شہید ہوچکے ہیں، اللہ جانتا ہے کہ اب کیا ہوگا۔

واضح رہے کہ کل پشاور کے علاقے یکہ توت میں اے این پی کی کارنر مٹینگ کے دوران خودکش دھماکے سے ہارون بلور سمیت 13 افراد شہید جب کہ 35 سے زائد افراد زخمی ہوگئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں