قومی ٹیم کے سابق آل راؤنڈر عماد وسیم اور نائلہ راجہ کی شادی کی ویڈیوز اور تصاویر سوشل میڈیا پر وائرل ہوگئیں۔
سوشل میڈیا کے مختلف پیجز پر عماد وسیم اور نائلہ راجہ کی شادی کی تصاویر زیر گردش ہیں جس میں جوڑے کو خوشگوار موڈ میں دیکھا جاسکتا ہے۔
شادی کے موقع پر عماد وسیم نے گولڈن رنگ لباس زیب تن کیا جبکہ نائلہ نے بھی اسی رنگ کی مناسبت سے عروسی جوڑے کا انتخاب کیا۔
عماد وسیم کو ان کے مداحوں کی جانب سے شادی کی مبارکباد دی جارہی ہے۔
واضح رہے کہ گزشتہ روز سوشل میڈیا عماد وسیم نے دوسری شادی کا اعلان کیا اور لکھا تھا کہ میں نے اپنی زندگی کے مشکل ترین ادوار میں سے ایک کا سامنا کیا جب شادی کامیاب نہ ہوسکی۔
View this post on Instagram
ان کا کہنا تھا کہ اس دور نے مجھے زندگی کی سب سے بڑی نعمتیں میرے بچے مجھے عطا کیے، میں اپنے بچوں سے بہت محبت کرتا ہوں۔
View this post on Instagram
قومی کرکٹر کا کہنا تھا کہ اللہ کے فضل اور اپنے والدین کی رہنمائی سے میں نے اب نائلہ سے شادی کر لی ہے، یہ قدم سوچ سمجھ کر اور واضح ارادے کے ساتھ اٹھایا گیا ہے تاکہ ایک ایسی زندگی کی بنیاد رکھی جا سکے جو سکون، استحکام اور باہمی احترام پر قائم ہو۔
واضح رہے کہ 28 دسمبر 2025 کو کرکٹر عماد وسیم نے پہلی بیوی ثانیہ اشفاق سے علیحدگی اختیار کرلی تھی۔ انہوں نے ثانیہ اشفاق اگست 2019 میں شادی کی تھی اور دونوں کے 3 بچے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں