تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

قومی کرکٹر عماد وسیم لندن سے دلہنیا لائیں گے

کراچی: قومی کرکٹ ٹیم کے آل راؤنڈر عماد وسیم لندن سے دلہنیا لائیں گے ان کی شادی کے کارڈ بھی منظر عام پر آگئے۔

تفصیلات کے مطابق قومی کرکٹر حسن علی کے بعد عماد وسیم بھی شادی غیرملکی دلہنیا لے کر آرہے ہیں، عماد کی شادی والدین کی مرضی سے ہورہی ہے جس کی تیاریاں مکمل کرلی گئی ہیں۔

عماد وسیم کی دلہن ثانیہ اشفاق بزنس گریجویٹ ہیں، ثانیہ شادی کے بعد عماد وسیم کے ساتھ اسلام آباد میں رہائش اختیار کریں گی۔

آل راؤنڈر عماد وسیم کا نکاح 24 اگست اور رخصتی 26 اگست کو ہوگی، ذرائع کا کہنا ہے کہ شادی میں قومی کرکٹرز کی شرکت بھی متوقع ہے۔

عماد وسیم کاؤنٹی کرکٹ میں ناتنگھم شائر کی نمائندگی کررہے ہیں وہ لیگ سے چھٹیاں لے کر شادی کے بعد ناٹنگھم شائر کی ٹیم کو دوبارہ جوائن کریں گے۔

مزید پڑھیں: شادی کی خبریں، 2 دن میں تمام تفصیلات بتادوں گا، حسن علی

کرکٹر عماد وسیم کی ثانیہ اشفاق سے لندن میں پہلی بار ملاقات ہوئی تھی۔

یاد رہے کہ چند روز قبل حسن علی کی شادی کی خبریں منظرعام پر آٗئی تھیں جس میں کہا گیا تھا کہ وہ بھارتی لڑکی شامعہ آرزو سے شادی کررہے ہیں۔

بعدازاں حسن علی نے ان خبروں کو بے بنیاد قرار دیا تھا اور ان کا کہنا تھا کہ مجھے پتا ہے کہ مداح جاننے کے لیے بے چین ہیں میں دو دن میں تمام تفصیلات سے آگاہ کردوں گا۔

Comments

- Advertisement -