امام کعبہ کی جامع مسجد منصورہ میں نماز فجر کی امامت -
The news is by your side.

Advertisement

امام کعبہ کی جامع مسجد منصورہ میں نماز فجر کی امامت

لاہور: امام کعبہ نے لاہور میں جامع مسجد منصورہ میں نماز فجر کی امامت کی، جس میں امیر جماعت اسلامی سراج الحق سمیت بڑی تعداد میں لوگوں نے شرکت کی۔

تفصیلات کے مطابق امام کعبہ شیخ صالح بن محمد نماز فجرکی امامت کیلئے جامع مسجد منصورہ پہنچے تو ان کا پرتپاک استقبال کیا گیا، جماعت اسلامی کےسربراہ سراج الحق اوردیگررہنماؤں سمیت بڑی تعداد نے امام کعبہ کی اقامت میں نماز فجر ادا کی۔

نمازِ فجر کے بعد امیر جماعت اسلامی سراج الحق اور امام کعبہ شیخ صالح بن محمد نے مختصر خطاب بھی کیا، جس میں امت مسلمہ کے اتحاد پر زور دیا گیا۔

امام کعبہ شیخ صالح بن محمد کا اپنے خطاب کے دوران کہنا تھا کہ آج کی نماز امت مسلمہ کے اتحاد کی علامت ہے، خانہ کعبہ کو خطرہ امت کو خطرے کے مترادف ہے، دشمن ایمان کے مرکز کو خطرات سے دو چار کررہا ہے۔

انھوں نے مزید کہا کہ دین اسلام کا انتہا پسندی اور دہشت گردی سے کوئی تعلق نہیں، دشمن عبادت ،عقیدے اور مرکزِ محبت کو نقصان پہنچانا چاہتا ہے۔


مزید پڑھیں : پاکستان مقامات مقدسہ کی حفاظت کی صلاحیت رکھتا ہے، امام کعبہ


گذشتہ روز امام کعبہ الشیخ صالح محمد بن طالب نے اتوار کے روز لاہور اپنے اعزاز میں منعقد ہونے والی مختلف تقریبات اور اجتماعات میں شرکت کی بادشاہی مسجد لاہور میں منعقد ہونے والے اجتماع میں امام کعبہ نے نماز مغرب کی امامت کی جس میں خواتین اور بچوں کی بڑی تعداد شریک ہوئی۔

امام کعبہ صالح محمد بن ابراہیم جمعیت علمائے اسلام کے سو سال مکمل ہونے کے موقع پرمنعقد کردہ اجتماع سے خطاب کرتے ہوئے کہا تھا کہ اسلام پوری انسانیت کےلئے خیر کا دین ہے اور علمائے کرام نبی کریم ﷺکی تعلیمات کو لے کر آگے بڑھ رہے ہیں جب کہ مدارس لوگوں کو دہشت گردی سے دور

انہوں نے کہا کہ سربراہ جمعیت علمائے اسلام مولانا فضل الرحمان اور ان کے رفقاء وعلماء کی اس خدمت کوتکریم کی نگاہ سے دیکھتے ہیں اور ان کی دینی، سیاسی اور سماجی خدمات کے معترف ہیں۔

امام کعبہ کا کہنا تھا  کہ دین کی ترویج میں مدارس بنیادی کردار ادا کر رہے ہیں اوردنیا بھرمیں حق کی تعلیم لوگوں تک پہنچارہے ہیں جب کہ یہ مدارس ہی ہیں جو لوگوں کودہشت گردی سے دوررہنے کی تعلیمات دے رہے ہیں۔

امام کعبہ الشیخ صالح محمد بن طالب نے اتوار کے روز لاہور اپنے اعزاز میں منعقد ہونے والی مختلف تقریبات اور اجتماعات میں شرکت کی بادشاہی مسجد لاہور میں منعقد ہونے والے اجتماع میں امام کعبہ نے نماز مغرب کی امامت کی جس میں خواتین اور بچوں کی بڑی تعداد شریک ہوئی


مزید پڑھیں : اسلام آباد: وزیراعظم نوازشریف سے امام کعبہ کی ملاقات


اس سے قبل اسلام آباد میں امام کعبہ نے صدر ممنون حسین ،وزیراعظم نوازشریف اور اہم سیاسی شخصیات سے ملاقات کی اور فیصل مسجد اور پارلیمنٹ میں نماز کی امامت کی، جس میں امت مسلمہ کی خودمختاری اورسلامتی کے لیے بھی دعائیں کی گئیں۔

Comments

comments

یہ بھی پڑھیں