The news is by your side.

Advertisement

سعودی عرب اور پاکستان ایک جسم کی مانند ہیں، امام کعبہ

لاہور : :امام کعبہ نے قائم مقام گورنرپنجاب پرویزالٰہی سے ملاقات میں کہا سعودی عرب اورپاکستان ایک جسم کی مانندہیں، سعودی ولی عہدکی جانب سےنیک خواہشات کاپیغام لایاہوں، سعودی عرب کاہرفردپاکستان سےتعلقات کوقدرکی نگاہ سےدیکھتاہے۔

تفصیلات کے مطابق لاہور میں امام کعبہ شیخ عبداللہ عواد الجہنی نے قائم مقام گورنرپنجاب پرویزالٰہی سے ملاقات کی ، ملاقات بعد میڈیا سے بات چیت کرتے ہوئے قائم مقام گورنر پنجاب نے کہا سعودی ولی عہد نے پاکستان کا تاریخی دورہ کیا، امام کعبہ مسلمانوں میں بھائی چارے کے لیے کردار ادا کررہے ہیں۔

پرویزالٰہی کا کہنا تھا ہر مشکل وقت میں سعودی عرب کاکردار ناقابل فراموش ہے، سعودی ولی عہد کے دورے میں مختلف معاہدوں پردستخط ہوئے، شہزادہ محمدبن سلمان کی پاکستان کے لیے محبت قابل تحسین ہے، سعودی عرب میں مقیم پاکستانی قیمتی زرمبادلہ بھیجتے ہیں۔

اس موقع پر امام کعبہ نے کہا سعودی ولی عہدکی جانب سےنیک خواہشات کاپیغام لایاہوں، سعودی عرب کاہرفردپاکستان سےتعلقات کوقدرکی نگاہ سےدیکھتاہے، پاکستان اورسعودی عرب کےدرمیان دیرینہ تعلقات ہیں۔

شیخ عبداللہ عواد الجہنی کا کہنا تھا سعودی عرب اورپاکستان ایک جسم کی مانندہیں، سعودی عرب امت مسلمہ میں پاکستان کے کردار کو قابل قدر سمجھتا ہے۔

مزید پڑھیں : امام کعبہ کی لاہور آمد، باد شاہی مسجدمیں نمازمغرب کی امامت کریں گے

امام کعبہ شیخ عبداللہ عواد الجہنی لاہور پہنچے تو وزیرمذہبی امورپنجاب نے ان کا استقبال کیا، لاہور میں قیام کے دوران امام کعبہ باد شاہی مسجدمیں نمازمغرب کی امامت کریں گے جبکہ جامعہ اشرفیہ کا دورہ اور نماز عشا کی امامت کریں گے۔

امام کعبہ کی کل وزیراعلیٰ پنجاب عثمان بزدار سے ملاقات متوقع ہیں۔

گذشتہ روز امام کعبہ نے آرمی چیف جنرل قمرجاوید باجوہ سے ملاقات کی تھی ، اس موقع پر امام کعبہ شیخ عبداللہ عواد الجہنی نے کہا تھا کہ پاکستان مسلم امہ میں خصوصی اہمیت کا حامل ہے، خطے میں امن واستحکام کیے لئے پاکستان کا کردار قابل فخر ہے۔

مزید پڑھیں : خطے میں امن کے لئے پاکستان کا کردار قابل فخر ہے: امام کعبہ

ملاقات میں دونوں ملکوں کے باہمی تعلقات پر اطمینان کا اظہار کرنے پر مسلم امہ میں فروغ امن کے لئے کوششوں کو تیز کرنے پر اتفاق ہوا تھا۔

اس سے قبل امام کعبہ شیخ عبداللہ عواد الجہنی نے پارلیمان کا دورہ کیا تھا ، جہاں انھوں نے اسپیکر قومی اسمبلی اسد قیصر اور چییئرمین سینیٹ صادق سنجرانی سے ملاقات کی تھی، س موقع پر امام کعبہ کا کہنا تھا سعودی عرب پاکستان سےتعلقات کو وسعت دینا چاہتا ہے، پاکستان اور سعودی عرب کا دکھ درداور منزل ایک ہے، دہشت گردی کےخاتمے کے لیے مل کر کام کرنے کی ضرورت ہے۔

امام کعبہ نے کہا تھا پاکستان اسلامی دنیا کی بہت بڑی قوت ہے ، پاکستان اورسعودی عرب کی سلامتی ایک دوسرے سےمنسلک ہے ، اہم ایک دوسرے سے کٹ کر نہیں رہ سکتے ۔

یاد رہے 11 اپریل کو امام کعبہ الشیخ ڈاکٹرعبداللہ عوادالجہنی پانچ روزہ دورے پر سعودی عرب سے پاکستان پہنچے تھے ، جہاں وزارت مذہبی امور اور سعودی سفارتخانے کے حکام نےامام کعبہ کا استقبال کیا تھا۔

Comments

comments

یہ بھی پڑھیں