اسلام آباد: امام کعبہ الشیخ ڈاکٹر عبد اللہ عواد الجہنی سعودی عرب سے پاکستان پہنچ گئے.
تفصیلات کے مطابق امام کعبہ پاکستان پہنچ گئے ہیں، نیو اسلام آباد ائیر پورٹ پر وزارت مذہبی امور اور سعودی سفارت خانے کے اعلیٰ حکام نے امام کعبہ کا استقبال کیا.
امام کعبہ سعودی ائیر لائن ایس وی 886 سے پاکستان پہنچے، اس موقع پر سکیورٹی کے سخت انتظامات تھے.
امام کعبہ شیخ عبداللہ عواد الجہنی کا دورہ سات روز پر مشتمل ہے، وہ کل جمعہ کی نماز فیصل مسجد میں پڑھائیں، امام کعبہ وزیراعظم عمران خان، صدر پاکستان اور آرمی چیف سے ملاقاتیں بھی کریں گے۔
امام کعبہ 11 سے 17 اپریل تک پاکستان میں قیام کریں گے، 13 اپریل کو وہ علما اور اسکالرز سے ملاقاتیں کریں گے۔
امام کعبہ 14 اپریل اسلامک کانفرس سے خطاب کریں گے، جب کہ 15 اپریل کوپاکستان علما کونسل کی جانب سے عشائیے میں شرکت کریں گے۔
خیال رہےشیخ عبداللہ عواد الجہنی نے 2005 میں مسجد الحرام میں تراویح کا آغاز کیا اور جولائی 2007 میں گرینڈ مسجد کے امام مقرر ہوئے، اس سے قبل مسجد نبوی میں بھی فرائض انجام دے چکے ہیں۔