The news is by your side.

Advertisement

مساجد کے امام و خطیب کی کم از کم تنخواہ 25ہزار روپے مقرر کرنے کا مطالبہ

مؤذن کی کم ازکم تنخواہ20اور خادم کی تنخواہ18ہزار روپے مقررکی جائے‘مساجد کے امام خطیب اور موذن بھی میدان میں آگئے

لاہور : پنجاب میں مساجد کے امام ، خطیب اور مفتیان نے اپنے حقوق کے حوالے سے شرعی اعلامیہ جاری کرتے ہوئے مطالبہ کیا ہے کہ  آئندہ بجٹ میں مساجد کے امام و خطیب کی کم از کم تنخواہ 25ہزار روپے مقرر کی جائے۔

تفصیلات کے مطابق پنجاب میں مساجد کے امام، خطیب اور موذن بھی مطالبات لیکر میدان میں آگئے،امام وخطیب اورمفتیان نے اپنے حقوق کے حوالے سے شرعی اعلامیہ جاری کردیا۔

شرعی اعلامیہ میں مطالبہ کیا گیا ہے کہ آئندہ بجٹ میں مساجد کے امام وخطیب کی کم ازکم تنخواہ 25 ہزار روپے مقررکی جائے، مؤذن کی کم ازکم تنخواہ 20 جبکہ خادم کی تنخواہ 18 ہزار روپے مقرر کی جائے۔

حکومت امام وخطیب اور موذن کو ان کی قابلیت کے مطابق گریڈ 12 سے 20 تک تنخواہ ،مراعات دی جائیں۔ اعلامیہ میں کہا گیا ہے کہ کے پی کے میں 30 ہزارمساجد کے آئمہ کی طرز پر باقی صوبوں میں بھی آئمہ کو وظائف دیئے جائیں۔

حضرت ابوبکرصدیق رضی اللہ تعالی عنہ جب پہلے خلیفہ بنے تو آپ کا وظیفہ مقرر کیا گیا۔ حکومت غیر سرکاری مساجد کی انتظامیہ کو آئمہ، خطیب اور مؤذن کی تنخواہ مقرر کرنے کی پابند کرے۔

مولانا ضیاءالحق نقشبندی نے کہا کہ امام ،خطیب اور مؤذن 24گھنٹے خدمات سر انجام دیتے ہیں مگرانہیں 8سے 15ہزار روپے تک تنخواہ دی جاتی ہے۔

Comments

comments

یہ بھی پڑھیں