The news is by your side.

Advertisement

امام الحق کی سلیکشن اچھی کارکردگی پرکی گئی، انضمام الحق

لاہور : سری لنکا سے ون ڈے سیریز کیلئے سلیکٹ کئے گئے قومی ٹیم کے ناموں میں سے ایک نام چیف سلیکٹر کے بھتیجے امام الحق کا بھی ہے جن کی سلیکشن پر سوالات اٹھ رہے ہیں۔

اس حوالے سے پی سی بی کے چیف سلیکٹر انضمام الحق نے اپنے بھتیجے امام الحق کے انتخاب کا دفاع کرتے ہوئے کہا ہے کہ امام الحق کی سلیکشن ڈومیسٹک کرکٹ میں اچھی کارکردگی پر بنا پر کی گئی ہے، ان کی سلیکشن میرے بھتیجے کےطور پر نہیں دیکھی جائے، امام الحق قومی ٹیم کے انتخاب کا حق اورصلاحیت رکھتا ہے۔

انضمام الحق کا کہنا ہے کہ چیمپئنز ٹرافی کی فاتح ٹیم میں تبدیلی نہیں کرنا چاہتےتھے لیکن اظہر علی کی انجری کے باعث ڈاکٹرز کے مشورے کے بعد انہیں آرام دیا گیا گیا ہے۔

انہوں نے بتایا کہ پہلے ٹیسٹ میچ میں اظہرعلی کے گھٹنے میں مسئلہ تھا تاہم ڈاکٹرز نے انہیں ٹیکہ لگا کر کھیلنے کی اجازت دے دی تھی، چیف سلیکٹر نے کہا کہ قومی ٹیم کے دروازے کسی کےلئے بند نہیں کیے گئے۔


مزید پڑھیں: پاک سری لنکاون ڈے: 15رکنی ٹیم کا اعلان، اظہرعلی ڈراپ


دوسری جانب ذرائع کے مطابق سمیع اسلم کا ڈومیسٹک میں ریکارڈ امام الحق سے بہتر ہے، سمیع اسلم ڈومیسٹک ون ڈے ٹورنامنٹ میں8سنچریزاسکور کرچکے ہیں، جبکہ رواں سال ون ڈے کپ میں سمیع اسلم کی دوسنچریز بھی ہیں۔

اس کے مقابلے میں امام الحق کی ڈومیسٹک ون ڈے میں صرف ایک سنچری ہے، سمیع اسلم کا ڈومیسٹک ون ڈے میں ایورج 48.50ہے اورامام الحق کا ڈومیسٹک ون ڈے میں اوسط36ہے۔

اس کے علاوہ خرم منظور کی کارکردگی بھی ڈومیسٹک ون ڈے میں امام الحق سے بہترپائی جاتی ہے۔

Print Friendly, PDF & Email

Comments

comments

یہ بھی پڑھیں