The news is by your side.

Advertisement

آسٹریلیا کے خلاف شاندار کارکردگی کا کیا راز تھا؟ امام الحق نے بتادیا

آسٹریلیا کے خلاف ہوم سیریز میں شاندار کارکردگی نے قومی ٹیسٹ ٹیم کے اوپنر بیٹر امام الحق کا اعتماد بحال کردیا ہے۔

تفصیلات کے مطابق پی سی بی کی جانب سے جاری کی گئی ویڈیو میں امام الحق نے بتایا کہ نیٹ پریکٹس اور ڈومیسٹک کرکٹ میں مسلسل محنت کا سلسلہ جاری رکھا جس کا نتیجہ عمدہ کارکردگی کی صورت میں ملا۔

امام الحق نے اعتراف کیا کہ ٹیسٹ کرکٹ میں آسٹریلوی ٹیم ہمارے لیے ایک سخت چیلنج ثابت ہوئی، بطور کرکٹر مجھے بھی سخت دباؤ میں کھیلنے کا ہنر سیکھنے کا موقع ملا، میرا یقین ہے کہ جب بھی آپ محنت کرتے ہیں تو اس کا پھل ضرور ملتا ہے۔

اوپنر بیٹر نے کہا کہ کینگروز کی مضبوط بولنگ کے خلاف اچھی اننگز کھیل کر اعتماد میں اضافہ ہوا، مستقبل میں بھی اپنی کارکردگی میں تسلسل برقرار رکھنے کی کوشش کروں گا۔

یہ بھی پڑھیں: ماؤں کا عالمی دن، افغان کرکٹر والدہ کی یاد میں جذباتی ہوگئے

واضح رہے کہ امام الحق نے آسٹریلیا کیخلاف ہوم ٹیسٹ سیریز میں زبردست فارم کا مظاہرہ کرتے ہوئے 370 رنز بنائے تھے ان میں مسلسل 2سنچریز بھی شامل تھیں،بعد ازاں تین میچوں پر مشتمل ون ڈے سیریز میں بھی انہوں نے 101، 106 اور 89 ناٹ آؤٹ کی اننگز کھیلیں۔

Comments

یہ بھی پڑھیں