معروف اداکارہ ایمان علی کی سیاہ ساڑھی میں خوبصورت تصاویر سوشل میڈیا پر وائرل ہوگئیں، اداکارہ اپنی بیماری سے صحت یاب ہونے کے بعد ٹچ بٹن فلم کے ذریعے اسکرین پر واپس آئی ہیں۔
سماجی رابطے کی ویب سائٹ انسٹاگرام پر ایمان علی نے سیاہ ساڑھی میں خوبصورت تصاویر و ویڈیو پوسٹ کیں۔ سیاہ ساڑھی کے ساتھ انہوں نے خوبصورت جھمکے بھی پہن رکھے ہیں۔
View this post on Instagram
View this post on Instagram
مداحوں نے ان کی تصاویر کو بے حد پسند کیا اور ان کی مکمل صحت یابی کے لیے دعائیں بھی کیں۔
ایمان علی طویل عرصے کے بعد اے آر وائی فلمز، سلمان اقبال فلمز اور شوٹنگ اسٹار اسٹوڈیو کی مشترکہ پیشکش فلم ٹچ بٹن میں اسکرین پر واپس آئی ہیں۔
فلم ٹچ بٹن میں ایمان علی کے ساتھ ساتھ فرحان سعید، عروہ حسین اور فیروز خان بھی اہم کرداروں میں شامل ہیں۔
اس طویل عرصے کے دوران ایمان علی ایک نایاب مرض ملٹی پل اسکلیروسس سے لڑتی رہیں اور اسکرین سے دور تھیں۔ ان کے مطابق بہت عرصے بعد اس فلم میں کام کرنا انہیں اپنے ڈیبیو جیسا لگ رہا ہے۔
