بیل آؤٹ پیکج : آئی ایم ایف نے پاکستان سے مذاکرات جاری رکھنے کا اعلان کردیا -
The news is by your side.

Advertisement

بیل آؤٹ پیکج : آئی ایم ایف نے پاکستان سے مذاکرات جاری رکھنے کا اعلان کردیا

اسلام آباد : عالمی مالیاتی ادارے آئی ایم ایف نے کہا ہے کہ پاکستانی حکام سے مذاکرات مثبت اور تعمیری رہے ہیں، یہ سلسلہ مزید جاری رہے گا، یہ بات آئی ایم ایف کے جاری کردہ اعلامیہ میں کہی گئی ہے۔

تفصیلات کے مطابق عالمی مالیاتی ادارے آئی ایم ایف نے حکومت پاکستان سے ہونے والے مذکرات کا اعلامیہ جاری کر دیا ہے، اعلامیہ میں کہا گیا ہے کہ پاکستانی حکام سے مذاکرات مثبت اور تعمیری رہے ہیں، جس میں معاشی ترجیحات اور اصلاحات پر ایک دوسرے کے مؤقف کو سمجھنے کی کوشش کی گئی۔

اعلامیہ کے مطابق آئی ایم ایف اور حکومت نے مالی اور جاری خسارہ کم کرنے کیلئے اقدامات پر اتفاق کیا ، مذکرات میں معاشی اصلاحات، سماجی تحفظ اور گورننس بہتر کرنے پر اتفاق کیا گیا، آئندہ آنے والے ہفتوں میں پاکستان سے مذکرات کا سلسلہ جاری رہے گا۔

واضح رہے کہ پاکستان نے آئی ایم ایف کی  تمام شرائط کو قبول کرنے سے انکار کردیا ہے، وزارت خزانہ کا کہنا ہے کہ وزیر اعظم عمران خان نے آئی ایم ایف بیل آؤٹ پیکج کی تمام شرائط ماننے سے انکار کرتے ہوئے وزارت خزانہ کو ٹیکس بڑھانے سمیت دیگر کڑی شرائط نہ ماننے کی ہدایت دی ہے۔

مزید پڑھیں: بیل آؤٹ پیکج ، وزیراعظم کا آئی ایم ایف کی تمام شرائط ماننے سے صاف انکار

ذرائع وزارت خزانہ نے آئی ایم ایف سے مذاکرات بے نتیجہ رہنے کی تصدیق کی ہے، اب آئی ایم ایف کا وفد پندرہ جنوری کے بعد دوبارہ پاکستان کا دورہ کرے گا۔

Comments

comments

یہ بھی پڑھیں