ٹیکس چوری کےخلاف اقدامات‘آئی ایم ایف نےتفصیلات مانگ لیں -
The news is by your side.

Advertisement

ٹیکس چوری کےخلاف اقدامات‘آئی ایم ایف نےتفصیلات مانگ لیں

اسلام آباد : آئی ایم ایف نے پاکستان سے ٹیکس نظام میں مبینہ کرپشن اورٹیکس چوری کے خاتمہ کےلیے اقدامات کی تفصیلات طلب کرلیں۔

تفصیلات کےمطابق پاکستان اورعالمی مالیاتی ادارے درمیان مذاکرات رواں ماہ کےاختتام پر متوقع ہیں۔جس کے لیےآئی ایم ایف نے حکومت سے ٹیکس ٹو جی ڈی پی ریشو میں اضافے کےلیےکئےگئےاقدامات کی تفصیلات مانگ لیں۔

عالمی مالیاتی ادارے اور پاکستان کے درمیان یہ مذاکرات آرٹیکل فور کےتحت ہونگے،جس میں آئی ایم ایف کو ٹیکس چوری اور ان کےخلاف کارروائی کی تفصیلات سے بھی آگاہ کیا جائے گا۔اس کے علاوہ محصولات وصولی کی تفصیلات بھی بتائی جائیں گی۔

خیال رہےکہ مذاکرات میں آئی ایم ایف پروگرام کےبعد ملکی معاشی کارکردگی کا بھی جائزہ لیاجائےگا۔

مزید پڑھیں: زرمبادلہ ذخائر میں کمی،تجارتی خسارے میں مسلسل اضافہ

واضح رہےکہ دو روز قبل اسٹیٹ بینک نے ملکی زرمبادلہ کے حوالے سے رپورٹ جاری کی تھی، جس کےمطابق پاکستان کےبیرونی کھاتےدباؤ کا شکار ہوگئےہیں۔زرمبادلہ ذخائر میں کمی اور تجارتی خسارے میں مسلسل اضافہ ریکارڈ کیا جارہا ہے۔

Comments

comments

یہ بھی پڑھیں