اسلام آباد : آئی ایم ایف نے پاکستان میں معاشی اصلاحات کیلئے مل کر کام کرنے کی یقین دہانی کراتے ہوئے کہا امید ہے پاکستان نویں جائزے کی تکمیل کےلیے شرائط پر پورا اترے گا۔
تفصیلات کے مطابق آئی ایم ایف اور پاکستان کے درمیان نویں اقتصادی جائزے کے لئے مذاکرات شروع ہوگئے۔
پاکستان اور آئی ایم ایف کے درمیان ہونے والے مذاکرات کا اعلامیہ جاری کردیا گیا ہے۔
عالمی مالیاتی فنڈ کے وفد نے وزیرخزانہ اسحاق ڈار سے ملاقات کی ، وفد کی سربراہی مشن چیف نیتھن پورٹر نے کی، اسحاق ڈار نے وفد کو معاشی صورتحال پر بریفنگ دی۔
Finance Minister Senator Mohammad Ishaq Dar held a meeting with IMF review Mission led by IMF Mission Chief Mr. Nathan Porter at FD,today and discussed and reviewed the economic and fiscal policies and reforms of the govt and agenda to accomplish the 9th review under the EFF. pic.twitter.com/J5mzqQmBeg
— Ministry of Finance (@FinMinistryPak) January 31, 2023
وزیر خزانہ اسحاق ڈار نے معاشی اصلاحات سے بھی آگاہ کرتے ہوئے کہا ماضی میں بھی آئی ایم ایف کا پروگرام کامیابی سے مکمل کیا تھا،موجودہ قرض پروگرام بھی مکمل کریں گے۔
اسحاق ڈار کا کہنا تھا کہ معاشی اصلاحات کے لیے پر عزم ہیں،معاہدے کو مکمل کرنے کیے ہر ممکن تعاون کریں گے۔
مذاکرات کے دوران نویں اقتصادی جائزے کی تکمیل کے لیے مل کر کام کرنے کے عزم کا اظہار کیا گیا۔
گیس سیکٹر کے گردشی قرضے ختم کرنےکے لیے اعلیٰ سطح کی کمیٹی بنائی ہے اور توانائی شعبے میں اصلاحات متعارف کرائی جارہی ہیں۔
مشن چیف نیتھن پورٹر نے کہا امید ہے حکومت پاکستان نویں جائزے کی تکمیل کے لیے شرائط پر پورا اترے گی اور توقع ہے کہ پاکستان مختلف شعبوں میں اصلاحات کے لیے پیشرفت جاری رکھے گا۔
آئی ایم ایف نے پاکستان میں معاشی اصلاحات کیلئے مل کر کام کرنے کی یقین دہانی کراتے ہوئے کہا کہ امید ہے پروگرام مقررہ وقت میں موثر طور پر مکمل ہوگا۔