واشنگٹن : آئی ایم ایف کے ایگزیکیٹو بورڈ کااجلاس انیس دسمبر کو واشنگٹن میں ہوگا۔ اجلاس میں پاکستان کیلئے پیلتالیس کروڑ ڈالرکے قرض کی دوسری قسط کی منظوری متوقع ہے۔
تفصیلات کے مطابق پاکستان کیلئے آئی ایم ایف کے قرض پروگرام سے متعلق دوسری قسط کے اجراء کیلئے ایگزیکٹو بورڈ کا اجلاس انیس دسمبرکو واشنگٹن میں ہوگا۔
اجلاس میں ایکسٹنڈ فنڈ فیسیلیٹی کے تحت ہونے والاپاکستان کا جائزہ زیر بحث آئے گا، اجلاس میں پاکستان کیلئے پینتالیس کروڑ ڈالرقرض کی دوسری قسط جاری کرنے کی منظوری دی جائے گی.
یاد رہے کہ معاشی کارکردگی کاجائزہ لینے کیلئے آئی ایم ایف کا وفد گزشتہ ماہ پاکستان آیا تھا۔ وزارت خزانہ کے مطابق پاکستان نے آئی ایم ایف کے تمام اہداف تمام واضح مارجن کے ساتھ پورے کئے ہیں۔
عالمی مالیاتی فنڈ نے پاکستان کی کارکرردگی کو اطمینان بخش قراردیا ہے، آئی ایم ایف سے قرض کی قسط ملنے کے بعد پاکستان کے زرمبادلہ ذخائرمیں مزید اضافہ ہوگا۔
