حکومت نے عالمی مالیاتی ادارے آئی ایم ایف کی ایک اور شرط پوری کرتے ہوئے ایکسپورٹ سیکٹرز کو گیس پر دی جانے والی سبسڈی ختم کردی۔
تفصیلات کے مطابق وفاقی حکومت نے پانچ ایکسپورٹ سیکٹرز کو گیس پر 80 ارب روپے کی سبسڈی ختم کردی، سوئی نادرن نے یکم مئی سے سبسڈائزڈ گیس کی فراہمی ختم کرنے کا نوٹفکیشن جاری کردیا۔
نوٹیفکیشن کے مطابق ایکسپورٹ سیکٹر کو9 ڈالر پر آر ایل این جی کے ریٹ پر سپلائی ختم کردی گئی، وفاقی حکومت سالانہ80ارب سے زائد گیس پرسبسڈی ادا کررہی تھی۔
حکم نامے کے مطابق یکم مئی سے تمام ایکسپورٹس سیکٹرز پر اوگرا کے منظورکردہ ریٹ نافذ کردیئے گئے، ایکسپورٹس سیکٹرز کو آر ایل این جی پر4ڈالر فی ایم ایم بی ٹی یو اضافی ادا کرنا ہونگے۔
آئی ایم ایف اور دیگر شعبوں کی جانب سے کیے گئے مطالبے کے بعد وفاقی حکومت نے مذکوہ مراعات کا سلسلہ ختم کردیا۔ واضح رہے وفاقی حکومت سالانہ 80 ارب سے زائد گیس پر سبسڈی ادا کر رہی تھی۔
