The news is by your side.

Advertisement

آئی ایم ایف نے مطالبات کی فہرست شہباز حکومت کو دے دی

اسلام آباد: آئی ایم ایف نے مطالبات کی فہرست شہباز حکومت کو دے دی ، آئی ایم ایف نے تنخواہ دار افراد کے لیے انکم ٹیکس کی شرح کم کرنے پر اعتراض اٹھایا تھا۔

تفصیلات کے مطابق بین الاقوامی مالیاتی ادارے( آئی ایم ایف) نے انکم ٹیکس بڑھانے سمیت کئی مطالبات کی فہرست شہباز حکومت کو دے دی۔

اس حوالے سے فیڈرل بورڈ آف ریونیو کے چیئرمین عاصم احمدنے سینٹ کمیٹی میٹنگ کے بعد ایک غیر رسمی بات چیت کے دوران پاکستان کے دو لاکھ سے زاید تنخواہ دار طبقے کیلئے انکم ٹیکس کی شرح میں اضافے کا اشارہ دیا۔

عاصم احمد نے کہا کہ آئی ایم ایف نے تنخواہ دار افراد کے لیے انکم ٹیکس کی شرح کم کرنے پر اعتراض اٹھایا تھا لیکن ایف بی آر لوگوں کو تحفظ فراہم کرنے کی کوشش کر رہا ہے۔

یاد رہے آئی ایم ایف نے شہباز حکومت کی جانب سے اقدامات ناکافی قرار دیتے ہوئے مزید اقدامات کا مطالبہ کیا تھا۔

آئی ایم ایف نمائندے نے کہا تھا کہ وجودہ بجٹ سے قرض پروگرام بحال نہیں ہوسکتا، شہباز حکومت کے بجٹ پرتحفظات ہیں، آئی ایم ایف مزید براہ راست ٹیکسوں کا نفاذ چاہتا ہے۔

ذرائع کا کہنا تھا کہ اہم مقاصد کیلئے پاکستان کو بجٹ میں اضافی اقدامات کرنےہوں گے،اس سلسلے میں حکومت سے مذاکرات جاری ہیں تاہم مطلوبہ نتائج کیلئے بجٹ میں ردوبدل کیا جاسکتا ہے۔

Comments

یہ بھی پڑھیں