اسلام آباد: پاکستان میں توانائی کےشعبے میں بہتری آرہی ہے،آئی ایم ایف -
The news is by your side.

Advertisement

اسلام آباد: پاکستان میں توانائی کےشعبے میں بہتری آرہی ہے،آئی ایم ایف

اسلام آباد: بین الاقوامی مالیاتی فنڈ (آئی ایم ایف) نے اپنی رپورٹ میں اعتراف کیا ہے کہ پاکستان بجلی کی تقسیم کار کمپنیوں کی کارکردگی بہتر بنانے کےلیے بھرپور کوششیں کر رہا ہے،جبکہ توانائی کے شعبے میں بہتری آرہی ہے.

سرکاری ریڈیو کے مطابق آئی ایم ایف کے مطابق توانائی کے شعبے میں اصلاحات میں تسلسل کے باعث پاکستان میں توانائی کی صورتحال میں بہتری کا سلسلہ جاری ہے،اگر اسی رفتار سے تسلسل برقرار رہاتو صورتحال میں بہتری کا امکان ہے.

پاکستان بجلی کی تقسیم کار کمپنیوں کی کارکردگی بہتر بنانے کےلیے کوششیں کر رہا ہےجو کہ قابل ستائش ہیں،ایل این جی کی درآمد میں اضافے سے مقامی منڈی میں گیس کی فراہمی کی صورتحال بہتر ہو رہی ہے جس سے صنعتی شعبے کو بھی مدد ملی ہے.

واضح رہے کہ بین الاقوامی مالیاتی فنڈ (آئی ایم ایف) نے منگل کے روز اپنی پچیاسی صفحات پر مشتمل رپورٹ شائع کی تھی جس میں آئی ایم ایف کی جانب سے توانائی کے شعبے میں پاکستان کی جانب سے کی جانے والی اصلاحات کی تعریف کی اور کہا کہ اگر حکومت کی جانب سے اسی رفتار سے تسلسل برقرار رہا تو توانائی کے شعبے میں مزید بہتری آئے گی.

Comments

comments

یہ بھی پڑھیں