آئی ایم ایف مشن اور امریکی وزارت خزانہ کی قائمہ کمیٹی سے ملاقات IMF mission Pakistan
The news is by your side.

Advertisement

بیرونی قرضوں‌ کا دباؤ بڑھ رہا ہے، چیئرمین قائمہ کمیٹی خزانہ

اسلام آباد: آئی ایف ایم مشن کے سربراہ اور امریکی وزارت خزانہ کے حکام نے چیئرمین قائمہ کمیٹی برائے خزانہ سلیم مانڈوی والاسے ملاقات علیحدہ علیحدہ ملاقات کی جن میں کالعدم تنظیموں پر پابندی سمیت پاکستان کی معاشی تبادلہ خیال کیا گیا، چیئرمین قائمہ کمیٹی نے بتایا کہ پاکستان پر بیرونی قرضوں کا دباؤ بڑھ رہا ہے۔

اطلاعات کے مطابق انٹرنیشنل مانیٹری فنڈ (آئی ایف ایم) مشن کے سربراہ نے سلیم مانڈوی والا سے ملاقات کی اور پاکستان کی موجودہ معاشی صورتحال، اس میں بہتری کے لیے کیے گئے اقدامات اور مستقبل کے اقدامات پر بات چیت کی۔

چیئرمین قائمہ کمیٹی برائے خزانہ سلیم مانڈوی والا نے بتایا کہ پاکستان پر بیرونی قرضوں کا دباؤ بڑھتا جارہا ہے، آئندہ سال 11 ارب ڈالرز کا قرضہ واپس کرنا ہے جس کے لیے برآمدات میں اضافہ کرنا ہوگا۔

انہوں نے مزید کہا کہ سی پیک منصوبے سے فائدہ حاصل کرنے کی ضرورت ہے، سی پیک منصوبوں پر فوری عمل درآمد کیا جائے گا۔

دریں اثنا سلیم مانڈوی والا سے یو ایس ٹریژری کے حکام نے بھی ملاقات کی جس کے دوران پاکستان میں کالعدم تنظیموں پر پابندی کے حوالے سے تبادلہ خیال کیا گیا۔

سلیم مانڈوی والا نے امریکی حکام کو یقین دلایا کہ پاکستان کالعدم تنظیموں کے خلاف کارروائی کررہا ہے۔

Comments

comments

یہ بھی پڑھیں