The news is by your side.

Advertisement

آئی ایم ایف نے پاکستان سے نیپرا رپورٹ پر وضاحت طلب کرلی

اسلام آباد: آئی ایم ایف نے پاکستان سے نیپرا رپورٹ پر وضاحت طلب کر لی، آئی ایم ایف مشن چیف کا کہنا ہے کہ معاملہ آئندہ مذاکرات میں اٹھایا جائے گا.

نیپرا اور آڈیٹر جنرل کے بعدآئی ایم ایف نے بھی نوٹس لے لیا، آئی ایم ایف چیف ہیرلڈ فنگر کا کہنا ہے کہ نیپرا رپورٹ نے پاور سیکٹر میں اہم اور سنگین مسائل کی نشاندہی کی ہے۔

اس معاملے پر حکومت پاکستان سے رواں ماہ کے آخر میں دبئی میں شروع ہونے والے نویں معاشی جائزہ مذاکرات میں بات کی جائے گی۔

نیپرا نے سالانہ رپورٹ میں کہا تھا کہ وزارت پانی بجلی نے جان بوجھ کر لوڈشیڈنگ کی، بجلی کے میٹرز کا نیا سسٹم ناکام ہوگیا ہے، صارفین کو زائد بل ارسال کیے جا رہے ہیں جبکہ آڈیٹر جنرل آف پاکستان نے اپنی رپورٹ میں توانائی کے شعبے میں تقریبا دس کھرب روپے کی بے ضابطگیوں کا انکشاف کیا تھا.

Print Friendly, PDF & Email

Comments

comments

یہ بھی پڑھیں