آئی ایم ایف کے دفتر میں لفافہ بم کا دھماکہ،خاتون زخمی -
The news is by your side.

Advertisement

آئی ایم ایف کے دفتر میں لفافہ بم کا دھماکہ،خاتون زخمی

پیرس : آئی ایم ایف کے دفتر میں لفافہ بم دھماکے میں خاتون زخمی ہوگئیں۔

تفصیلات کے مطابق فرانس کے دارالحکومت پیرس میں آئی ایم ایف کے دفتر میں لفافہ کھولتے ہی دھماکہ ہوگیا ، جس کے تتیجے میں لفافے کھولنے والی خاتون دھماکے میں زخمی ہوگئیں، دھماکے کے بعد انسداد دہشت گردی یونٹ آئی ایم ایف بلڈنگ پہنچ گیا جبکہ پولیس نے علاقے کو گھیرے میں لے لیا۔

پولیس کے مطابق یہ ایک گھر میں بنا ہوا کریکر ہے، جس سے خاتون کے ہاتھ اور چہرہ جھلس گیا۔


لفافہ بم بزدلانہ پرتشدد کارروائی ہے، کرسٹین لیگارڈ


آئی ایم ایف کی سربراہ کرسٹین لیگارڈ نے لفافہ بم کو بزدلانہ پرتشدد کارروائی قرار دیا اور کہا کہ ہم اس واقعہ کی تحقیقات کے سلسلے میں فرانسیسی حکام کے ساتھ قریبی رابطے میں ہیں اور اپنے عملے کے تحفظ کو یقینی بنانے کے لیے کام کر رہے ہیں۔

خیال رہے کہ آئی ایم ایف کا شمار ان تین اداروں میں ہوتا ہے، جنھوں نے یورپی کمیشن اور یورپین سینٹرل بینک کے ساتھ یونانی حکومت کو بیل آؤٹ پیکج فراہم کیا تھا۔


مزید پڑھیں: فرانس میں ایمرجنسی میں مزید 3ماہ کی توسیع


واضح رہے کہ آئی ایم ایف کے دفتر میں خط بم دھماکے سے ایک دن قبل ایسا ہی پیکٹ جرمنی کی وزارت مالیات کے دفتر میں بھی بھیجا گیا تھا ،جس کے ساتھ کم طاقت کا دھماکہ خیر مواد نصب تھا، ابھی یہ واضح نہیں کہ ان دونوں واقعات کے پیچھے ایک ہی ہے۔

خیال رہے کہ فرانس میں دہشت گردوں کے جانب سے کئی حملوں کے بعد سے ایمرجینسی نافذ ہے۔

Comments

comments

یہ بھی پڑھیں