تازہ ترین

آئی ایم ایف حکام کا دل موم ہونے لگا، کئی معاملات پر رضامند

اسلام آباد: آئی ایم ایف مذاکرات میں تبدیلی کے آثار پیدا ہو گئے، آئی ایم ایف حکام کا دل موم ہونے لگا ہے، کئی معاملات پر رضامند ظاہر کر دی گئی۔

تفصیلات کے مطابق ذرائع نے کہا ہے کہ توانائی کے شعبے میں کسان پیکج اور بلوچستان کے ٹیوب ویلز کی سبسڈی پر آئی ایم ایف راضی ہو گیا، آزاد کشمیر کے لیے سبسڈی برقرار رکھنے پر بھی مانیٹری فنڈ تیار ہو گیا ہے۔

ذرائع کے مطابق ایکسپورٹرز کو توانائی کے لیے دی جانے والی سبسڈی ختم ہوگی، آئی ایم ایف سے محصولات شارٹ فال پر بھی اختلاف برقرار ہیں، آئی ایم ایف سمجھتا ہے کہ محصولات کا شارٹ فال 840 ارب روپے ہے۔

دوسری طرف پاکستان حکام کے مطابق شارٹ فال 400 سے 450 ارب روپے ہوگا، وزارت خزانہ کے حکام کا کہنا ہے کہ محصولات کے شارٹ فال کے لیے اقدامات بھی تجویز کیے گئے ہیں۔

ذرائع کے مطابق ترقیاتی بجٹ سمیت دیگر اخراجات میں کٹوتی کا امکان ہے، آئی ایم ایف نے جی ایس ٹی 17 سے 18 فی صد کرنے کی تجویز دی ہے، فلڈ لیوی اور بینکوں کے منافع پر بھی ٹیکس عائد ہوگا۔

ذرائع کا کہنا ہے کہ جی ایس ٹی اور انکم ٹیکس کی بعض چھوٹ بھی ختم کرنے پر بات چیت ہوئی ہے، آئی ایم ایف سے معاملات 9 مئی تک طے کر لیے جائیں گے، آئی ایم ایف سے 7 فروری سے میڈیم ٹرم بجٹری فریم ورک پر بات ہوگی۔

Comments

- Advertisement -