اسلام آباد : پاکستان اکانومی واچ کے چیئرمین برگیڈئیر ریٹائرد محمد اسلم خان نے کہا ہے کہ وزیر اعظم عمران خان کی جانب سے ملکی معیشت کو سہارا دینے کے لئے آئی ایم ایف سے رجوع کرنے کے فیصلے سے مارکیٹ میں استحکام آ جائے گا۔
اپنے ایک بیان میں انہوں نے کہا کہ آئی ایم ایف سے قرضہ لینے کے بارے میں کئی ہفتوں کے ابہام سے اسٹاک مارکیٹ اور سرمایہ کار غیر یقینی صورتحال سے دوچار تھے ، جس سے روپے کی قدر پر بھی منفی اثرات مرتب ہوئے ، جس نے ہر شخص کو متفکر کر دیا تھا۔
ان کا کہنا تھا کہ زرمبادلہ کے ذخائر مسلسل کم ہو رہے ہیں، خسارہ بڑھ رہا ہے، قرضوں اور درآمدات کی ادائیگی مشکل ہو رہی ہے، ترقیاتی اسکیموں پر عمل درآمد کیلئے سرمایہ نہیں ہے۔
توانائی کے شعبہ کے گردشی قرضے کھربوں روپے تک پہنچ گئے ہیں جبکہ عام استعمال کی ہر چیزمسلسل مہنگی ہو رہی ہے ، اس لئے آئی ایم ایف کا قرضہ آخری آپشن رہ گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں