اسلام آباد (11 مارچ 2026): پاکستان اور آئی ایم ایف کے درمیان ورچوئل مذاکرات کا حتمی دور آج ہوگا، ذرائع کا کہنا ہے کہ تنخواہ دار طبقے کے لیے انکم ٹیکس میں ریلیف پر کامیابی کے امکانات ہیں۔
ذرائع کے مطابق وزیر اعظم شہباز شریف نے مشرق وسطیٰ کی کشیدہ صورت حال میں آئی ایم ایف سے زیادہ سے زیادہ ریلیف لینے کی ہدایت کی ہے، اس لیے وزارت خزانہ کے حکام مذاکرات میں ریلیف کی بھرپور کوششیں کریں گے۔
حکام کا کہنا ہے کہ ٹیکس ہدف میں 200 ارب روپے کی کمی کے لیے بھی کوششیں کی جائیں گی، مشرق وسطیٰ کی کشیدہ صورت حال کے بعد محدود معاشی سرگرمیاں ٹیکس آمدن متاثر کر سکتی ہیں۔
پیٹرول کی قیمت میں ڈیمڈ ڈیوٹی : عوام سے اربوں روپے فراڈ کا انکشاف
ذرائع کے مطابق آئی ایم ایف نے 214 ارب روپے سپر ٹیکس تاخیر سے جمع ہونے پر لیٹ پے منٹ سرچارج کا مطالبہ کیا ہے، ایف بی آر 30 جون 2026 سے زیادہ سے زیادہ سپر ٹیکس جمع کرانے کی کوشش کرے گا۔
Shoaib Nizami reports Finance, Fedeal Board of Revenue, Planning , Public Accounts, Banking, Capital Market, SECP, IMF, World Bank, Asian Development Bank, FATF updates for ARY News