اسلام آباد : آئی ایم ایف نے پاکستان کی درخواست پر قرض پروگرام کا جائزہ ملتوی کردیا ، فنانس ڈویژن نے باضابطہ طور پر آئی ایم ایف ایگزیکٹو بورڈ کی میٹنگ ری شیڈول کرنے درخواست کی تھی۔
تفصیلات کے مطابق ترجمان وزارت خزانہ مزمل اسلم نے سماجی رابطے کی ویب سائٹ ٹوئٹر پر اپنے بیان میں بتایا کہ آئی ایم ایف نے فنانس ڈویژن کی درخواست پر میٹنگ ری شیڈول کرنے پر رضامندی ظاہر کر دی ہے۔
International Monetary Fund has agreed to reschedule meeting of its board of directors on Pakistan’s request for approval of 6th review of the Extended Fund Facility https://t.co/miRTknQm7w @imf_pakistan @FinMinistryPak @MuzzammilAslam3
— Radio Pakistan (@RadioPakistan) January 10, 2022
خیال رہے پاکستان نے آئی ایم ایف کوبورڈآف ڈائریکٹراجلاس ری شیڈول کرنے کی درخواست کی تھی ، جس میں کہا تھا کہ آئی ایم ایف بورڈآف ڈائریکٹر کا 12 جنوری کا اجلاس ملتوی کیا جائے، پاکستان میں فنانس ترمیمی بل قومی اسمبلی،سینیٹ میں زیربحث ہے، دونوں ایوانوں سےبل منظورہوجائیں پھراجلاس بلایا جائے۔
فنانس ڈویژن کا کہنا تھا کہ آئی ایم ایف بورڈ نے 12 جنوری کو پاکستان کے لیے قرض پروگرام کی بحالی کرنی ہے۔
آئی ایم ایف بورڈ آف ڈائریکٹر کی میٹنگ بارہ جنوری کو ہونی تھی جبکہ پاکستان میں فنانس ترمیمی بل قومی اسمبلی اور سینیٹ میں ابھی تک زیر بحث ہے۔
