The news is by your side.

آئی ایم ایف کو ’رام‘ کرنے کی تمام حکومتی کوششیں ناکام

پاکستان میں آئی ایم ایف سے قرض لے کر ملکی معاملات چلانے کیلیے حکومتی کوششوں پر پانی پھرنے لگا، آئی ایم ایف پروگرام بحال کرنے کی تمام کوششیں تاحال بےنتیجہ ثابت ہورہی ہیں۔

اس حوالے سے ذرائع کا کہنا ہے کہ پاکستان اور آئی ایم ایف کے درمیان مذاکرات کا شیڈول طے نہیں ہوسکا، حکومتی درخواست پر ابھی تک آئی ایم ایف سے کوئی جواب موصول نہیں ہوا۔

حکومتی ذرائع کے مطابق حکومت نے آئی ایم ایف کو جائزہ مشن پاکستان بھیجنے کی درخواست کررکھی ہے، لگتا ہے کہ آئی ایم ایف کو حکومت کے ٹھوس اقدامات کا انتظار ہے۔

ذرائع کا کہنا ہے کہ آئی ایم ایف پروگرام کی بحالی کیلئے اہم فیصلوں کی تیاری مکمل ہے، آئندہ ہفتے بجلی اورگیس کی قیمتوں میں اضافے کی منظوری کا امکان ہے۔

اس کے علاوہ لیوی اور ٹیکسوں کیلئے آرڈیننس کی منظوری کا بھی امکان ہے، اہم فیصلوں کی منظوری ای سی سی اور وفاقی کابینہ سے لی جائے گی، اہم فیصلوں کے بعد آئی ایم ایف پروگرام کی بحالی کی راہ ہموار ہوگی۔

حکومتی ذرائع کے مطابق آئی ایم ایف کے ساتھ جلد مذاکرات شروع ہونے کا امکان ہے، نویں اور دسویں جائزہ مذاکرات ایک ساتھ بھی ہوسکتے ہیں۔

Comments

یہ بھی پڑھیں