اسلام آباد : آئی ایم ایف کی ٹیم قرض پروگرام کے جائزے کیلئے نومبر میں پاکستان آئے گی،جائزوں سے معلوم ہوسکے گا کہ سیلاب سے پاکستان کو کن مشکلات کا سامنا ہے۔
تفصیلات کے مطابق آئی ایم ایف کے مشرق وسطیٰ اور وسط ایشیا کیلئے ڈائریکٹر جہاد آذور نے پریس کانفرنس کرتے ہوئے کہا کہ آئی ایم ایف کی ٹیم پروگرام کے آئندہ جائزے کیلئے نومبر میں پاکستان آئے گی۔
جہاد آذور کا کہنا تھا کہ پاکستان میں سیلاب کے پیش نظر فنڈز اجرا و دیگراقدامات کیے ہیں، جس پرآئی ایم ایف پاکستان کے حکام کے ساتھ بات چیت کر رہا ہے۔
ڈائریکٹرآئی ایم ایف نے کہا کہ سیلاب سے ہونے والے نقصانات پر ورلڈ بینک اور اقوام متحدہ کے ترقیاتی پروگرام (یو این ڈی پی) کے جائزوں کا انتظار کیا جا رہا ہے، جائزوں سے معلوم ہوسکے گا کہ سیلاب سے پاکستان کو کن مشکلات کا سامنا ہے۔
ان کا مزید کہنا تھا کہ پاکستان ودیگرممالک سے کہا ہے ٹارگٹڈ سبسڈی سے گریز کریں، وسائل کو ان لوگوں کیلئے استعمال کیاجاناچاہیے جنھیں اس کی ضرورت ہے۔
جہاد آذور نے کہا کہ قرضے کی ری شیڈولنگ سے متعلق پاکستانی حکام سے بات کی جائے گی۔۔
