اسلام آباد : آئی ایم ایف مشن چیف ناتھن پورٹر کا کہنا ہے کہ پاکستان کے بجٹ 24-2023کے اہم اہداف اور مالیاتی خسارے پربات چیت کی جائے گی۔
تفصیلات کے مطابق آئی ایم ایف مشن چیف ناتھن پورٹر کی جانب سے بیان میں کہا گیا ہے کہ آئی ایم ایف پاکستان کےبجٹ 24-2023پربات کرے گا، بجٹ کےاہم اہداف،مالیاتی خسارے پربات چیت کی جائے گی۔
ناتھن پورٹر کا کہنا تھا کہ مالیاتی خسارے عملے کی سطح کےمعاہدےکی منظوری آخری رکاوٹوں میں سے ایک ہے، پاکستان کیلئے ادائیگیوں کے شدید توازن کے بحران کو حل کرنے کے لیےانتہائی اہم ہے۔
کنٹری مشن چیف نے کہا کہ آئی ایم ایف نے 1.1 بلین ڈالر کی فنڈنگ جاری کرنے کےعملے کی سطح کے معاہدے کی منظوری دینی ہے۔
ان کا کہنا تھا کہ وزارت خزانہ نےرائٹرزکی جانب سےتبصرہ کرنے کی درخواست کا فوری طور پر جواب نہیں دیا، حکومت نے کہاتھا کہ بیرونی فنانسنگ اس معاہدے کے لیے آخری رکاوٹ ہے۔
ناتھن پورٹر نے مزید بتایا کہ یواےای، سعودی عرب،چین مارچ اوراپریل میں پاکستان کی امدادکااعلان کر چکے ہیں۔
خیال رہے آئندہ مالی سال کے بجٹ کی تیاریاں شروع ہوگئی ہیں اور خدشہ ہے کہ مالی 2023-24 کا وفاقی بجٹ تاریخ کا تلخ ترین بجٹ ہوسکتا ہے۔
وزارت خزانہ کے ذرائع نے بتایا ہے کہ آئندہ بجٹ میں بھی آئی ایم ایف کی شرائط پر عمل درآمد کا امکان ہے۔ آئندہ مالی سال کے بجٹ میں ٹیکس آمدن مہنگائی کے تناسب سے بڑھانے پر غور کیا جا رہا ہے۔
