تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

آئی ایم ایف کی پاکستان کے نیوکلیئر پروگرام سے متعلق وضاحت آگئی

عالمی مالیاتی ادارے (آئی ایم ایف) نے پاکستان کے نیوکلیئر پروگرام سے متعلق قیاس آرائیوں پر اپنا بیان جاری کر دیا۔

اے آر وائی نیوز کی رپورٹ کے مطابق آئی ایم ایف نمائندہ برائے پاکستان ایسٹر پریز نے اپنے بیان میں واضح دی کہ ادارے نے پاکستان کے نیوکلیئر پروگرام پر کوئی دباؤ نہیں ڈالا۔

ایسٹر پریز نے کہا کہ پاکستان کے ساتھ قرض پروگرام میں معاشی اصلاحات پر بات ہوئی لیکن پاکستانی اتھارٹیز سے نیوکلیئر پروگرام پر کوئی بات چیت نہیں ہوئی۔

انہوں نے بتایا کہ پاکستان کے ساتھ معاشی مسائل کے حل پر بات چیت ہوئی، پاکستان کے ساتھ بیلنس آف پے منٹ سے متعلق امور پر بھی تبادلہ خیال ہوا ہے۔

خیال رہے کہ کچھ روز قبل سینیٹ اجلاس میں وزیر خزانہ اسحاق ڈار نے آئی ایم ایف معاہدے میں تاخیر کے بارے میں بتایا تھا۔

ان کا کہنا تھا کہ چند دوست ممالک نے سپورٹ کرنے کا وعدے کیا تو اب آئی ایم ایف کہہ رہا ہے کہ پہلے وہ اپنا وعدہ پورا کریں، معاہدے میں تاخیر کی وجہ حکومت کی طرف سے نہیں بلکہ اس بار آئی ایم ایف سے بات چیت بہت غیر معمولی رہی، مالیاتی ادارے نے بہت زیادہ مطالبات سامنے رکھ دیے۔

انہوں نے بتایا کہ ہمیں قومی مفاد کا تحفظ کرنا ہے کوئی بھی نیوکلیئر یا میزائل پروگرام پر سمجھوتا نہیں کرے گا، کسی کو یہ حق حاصل نہیں کہ وہ ہمیں یہ بتائے کہ ہم کس رینج کے میزائل یا ایٹمی ہتھیار رکھیں۔

Comments

- Advertisement -